سٹی42: وزارتِ پاور ڈویژن نے لیسکو سمیت تمام بجلی کی تقسیم کار کمپنیوں پر عام میٹرز کی خریداری پر پابندی عائد کرتے ہوئے فوری طور پر خریداری کا عمل معطل کرنے کے احکامات جاری کر دیے ہیں۔

ترجمان کے مطابق تمام کمپنیوں کو اے ایم آئی (اسمارٹ) میٹرز کی خریداری کے احکامات جاری کیے گئے ہیں۔بجلی چوری کی روک تھام کیلئے اسمارٹ میٹرز کو لازمی قرار دیا گیا ہے۔
میٹرز کی خریداری نہ ہونے پر بورڈ آف ڈائریکٹرز سے وضاحت طلب کر لی گئی ہے۔چیئرمین بورڈ سے بھی جواب مانگا گیا ہے کہ اب تک میٹرز کی خریداری کیوں نہیں کی گئی۔
وزارت کی جانب سے واضح کیا گیا ہے کہ جولائی 2024 سے تمام کمپنیوں کو جدید اے ایم آئی سسٹم پر منتقل ہونا ہوگا۔

لیسکو میں بڑے کمرشل اور صنعتی صارفین پہلے ہی سمارٹ میٹرز پر منتقل ہو چکے ہیں۔تھری فیز اور سنگل فیز میٹرز کو بھی مرحلہ وار سمارٹ میٹرز پر منتقل کیا جا رہا ہے۔
سمارٹ میٹرز کی مدد سے بلنگ براہِ راست کنٹرول روم سے کی جا سکے گی۔