ویب ڈیسک:شارٹ میسجنگ سائٹ، ٹوئٹر پر جلد صارفین کے لیے نیا فیچر متعارف ہونے جارہا ہے جس کے بعد صارفین اپنے اکاؤنٹ پر طویل تحریر پوسٹ کرسکیں گے۔
بین الاقوامی میڈیا کے مطابق ’ٹوئٹر نوٹس‘ نامی یہ فیچر آئندہ چند ہفتوں میں متعارف کرایا جاسکتا ہے ۔ٹوئٹر نوٹس میں طویل تحریروں کے لیے فارمیٹنگ اور میڈیا آپشنز بھی دستیاب ہوں گے اور انہیں پوسٹ کرکے فالوورز سے شیئر کیا جاسکے گا۔
✨ Introducing: Notes ✨
— Twitter Write (@TwitterWrite) June 22, 2022
We’re testing a way to write longer on Twitter. pic.twitter.com/SnrS4Q6toX
اس نئے فیچر سے ٹوئٹر میں بڑی تبدیلی آئے گی، پہلے ایک ٹوئٹ میں صرف 140 حروف استعمال ہوسکتے تھے جبکہ 2017 میں حروف کی تعداد بڑھا کر 280 کر دی گئی تھی جبکہ اب اس نئے فیچر کے ساتھ صارفین 280 سے زائد حروف پر مبنی ٹوئٹس کرسکیں گے۔
کمپنی کو توقع ہے کہ زیادہ بڑی تحریروں سے سنجیدہ پوسٹس کو زیادہ اہمیت مل سکے گی۔ اسی طرح مضامین یا بلاگز براہ راست ٹوئٹر پر شائع کرنا بھی صارفین کی توجہ حاصل کرسکے گا۔