سٹی 42 : وزیر اطلاعات پنجاب عظمی بخاری نے مری کا سفر کرنے والے شہریوں کے لیے پیغام جاری کردیا۔  

عظمیٰ بخاری نے کہا کہ مری میں تمام ہوٹل مکمل فل ہو چکے ہیں، مری میں برفباری بھی بہت زیادہ ہورہی ہے، مری میں گنجائش سے زیادہ گاڑیاں داخل ہوچکی ہیں، اب مری میں مزید گاڑیوں کے داخلے کی بھی گنجائش نہیں رہی، اس لیے سیاحوں سے گزارش ہے اب  مری کا سفر کرنے سے گریز کریں۔ 

انہوں نے کہا کہ مری کے ہوٹلوں میں بھی اب مزید گنجائش نہیں ہے، مری میں سیاحوں کی حفاظت حکومت کی پہلی ترجیح ہے، مری میں سیاحوں کی بڑی تعداد پہلے سے موجود ہے، التماس ہے شہری مری کے سفر سے اجتناب کریں۔