ویب ڈیسک: نوجوان کی سوتے ہوئے پیرا گلائیڈنگ کی ویڈیو نے سب کو حیرت میں ڈال دیا۔

پیرا گلائیڈنگ ایک دلچسپ ایڈونچر ہے جو اکثر افراد کو بہت پسند ہوتا ہے، تاہم ترکی کے ایک شہری نے انوکھے اور نئے انداز سے پیرا گلائیڈنگ کر کے اسے مزید پرجوش بنایا۔ترک شہری حسن کاول نے بستر پر سوتے ہوئے پیرا گلائیڈنگ کی، حسن کی ویڈیو سوشل میڈیا پر بے حد وائرل ہورہی ہے، اور صارفین بے حد حیرت کا اظہار کر رہے ہیں۔

Same dude did it with a bed and straight up took a mid air nap. pic.twitter.com/K5k9Ft6uBy

— Fat tony (@Tony_Baloney69) January 16, 2023

ویڈیو میں دیکھا جاسکتا ہے کہ 4 افراد ان کے بستر کو ایڈجسٹ کر رہے ہیں، بستر پر آرام دہ تکیے اور چادر بھی موجود ہے، اور صرف یہی نہیں اس کے ساتھ 2 سائیڈ ٹیبلز بھی موجود ہیں جن میں سے ایک پر الارم کلاک بھی رکھا ہے، نوجوان پیرا گلائیڈنگ کرتے ہوئے ذرا بھی خوفزدہ نہیں ہوتا بلکہ سکون سے سو جاتا ہے، تھوڑی دیر بعد الارم بج اٹھتا ہے جس کے بعد حسن اٹھ جاتے ہیں اور لینڈنگ کی تیاری کرتے ہیں۔

واضح رہے کہ حسن اس سے پہلے کاؤچ پر بھی پیرا گلائیڈنگ کر چکے ہیں۔ ان کی مہم جوئی کی ویڈیوز کو بے حد پسند کیا جاتا ہے۔