سٹی42: دبئی کے سٹیڈیم میں پاکستان اور انڈیا کے میچ مین انڈیا کو جیتنے کے لئے 10 رنز کی ضرورت ہے جو کوئی بڑی ڈیل نہیں، اب میچ میں بگ ڈیل ویرات کوہلی کی سینچری ہے جنہیں سو رنز کرنے کے لئے 10 رنز چاہئیں۔
فینز کی نطریں اب کوہلی پر جمی ہوئی ہیں جو 105 گیندین کھیل چکے ہیں اور 92رنز بنا چکے ہیں۔
کچھ ہی دیر بعد کوہلی کے لئے صورتحال مزید پریشان کن ہو گئی ہے۔ اب انڈیا کو جیت کے لئے 48 گیندوں سے 4 رنز درکار ہیں اور کوہلی کی سینچری مکمل ہونے کے لئے کوہلی کو 4 رنز ہی درکار ہیں۔
سٹی42: پاکستان کی میزبانی میں ہو رہی چیمپئینز ٹرافی 2025 کے سب سے زیادہ دیکھے گئے میچ میں پاکستانی باؤلرز کا سامنا کرتے ہوئے سینچری بنا کے ویرات کوہلی کی سٹارڈم وک چار چاند لگ گئے۔ اس میچ کا وننگ سٹروک اور کوہلی کی سینچری مکمل کرنے والا چوکا ان کے بیتنگ کیرئیر کا ایک یادگار لمحہ بن گیا۔
دبئی سٹیڈیم مین پاکستان اور بھارت کے میچ کے بیسٹ پلئیر بھی کوہلی ہی قرار پائے۔ میچ ختم ہونے کے بعد میڈیا سے رسمی گفتگو کا موقع ملنے پر کوہلی نے کہا، خاص طور پر جب روہت آؤٹ ہو ئے تو میرا کام واضح ہو گیا تھا،مڈل اوورز کو کنٹرول کرنا، سپنرز کے خلاف خطرہ مول نہ لینا، اور پیسرز پر حملہ کرنا،میں نے جو طریقہ کار اپنایا،اس سے میں خوش تھا کیونکہ یہی میرا ون ڈے کھیلنے کا انداز ہے۔
ویرات کوہلی نے بتایا، مجھے اپنے کھیل کی سمجھ ہے،یہ باہر کے شور سے دور رہنے، اپنی توانائی اور خیالات کو سنبھالنے کا معاملہ ہے،ایسے میچوں کے دوران توقعات اور جنون میں کھنچ جانا میرے لیے آسان ہے،میں خود کو بار بار یاد دلاتا رہا کہ فیلڈنگ میں میں اپنی 100فیصد کوشش کروں گا،اسی لیے میں فیلڈنگ پر فخر محسوس کرتا ہوں۔
انہوں نے کہا کہ جب آپ سر جھکا کر اپنے کام میں لگ جاتے ہیں، تو چیزیں خود بخود درست ہو جاتی ہیں،واضح سوچ اہم ہے۔
اپنے ساتھ دوسرے اینڈ پر موجود رہنے والے بیترز کے متعلق کومنٹ کرتے ہوئے کوہلی نے کہا، شبمن اور شریاس بہترین رہے ہیں،ان حالات میں سبھی کو اچھی پریکٹس ملی ہے، جو آنے والے میچوں کے لیے اچھی علامت ہے۔
اس رسمی گفتگو مین کوہلی نے یہ بھی یاد دلایا کہ اب وہ 36 کے ہو چکے ہیں اور انہیں سینئیر کی حیثیت سے ہی تریٹ کیا جانا چاہئے۔ کوہلی نے ہنستے ہوئے کہا، 36 سال کی عمر میں، ایک ہفتے کی چھٹی بہت اچھی چیز ہے، اتنی محنت کرنے کے لیے مجھے بہت کچھ لگانا پڑتا ہے۔
February 02, 2026
February 02, 2026
سٹی42: ویرات کوہلی خوشدل شاہ کی گیند پر کور ڈرائیو کر کے سینچری کرنے مین کامیاب ہو گئے۔ کوہلی کے اس چوکے کے ساتھ انڈیا پاکستان سے میچ بھی جیت گیا۔
دبئی کے کرکٹ سٹیڈیم میں پاکستان نے پہلے بیٹنگ کرتے ہوئے 241 رنز بنئاے تھے۔ انڈیا نے 43.3 اورز میں 244 رنز بنا کر پاکستان کو 6 وکٹوں سے ہرا دیا۔
میچ کی سب سے خٓص بات ویرات کوہلی کی سینچری رہی، انہوں نے 111 گیندوں سے 100 رنز بنائے اور 7 چوکے لگائے۔ آج کے میچ مین کوہلی نے کئی اونچے شاٹ کھیلے لیکن چھکا ان کے حصے میں نہیں آیا۔
ویرات کوہلی کی آج کی سینچری کے بعد پاکستان کی میزبانی میں ہوئی رہی چیمپئینز ٹرافی 2025 کے پانچ میچوں میں آٹھ سینچریاں بن گئی ہیں۔
چیمپئنز ٹرافی کے میچ میں ویرات کوہلی کی شاندار سنچری کی بدولت بھارت نے پاکستان کو 6 وکٹوں سے شکست دے دی۔ 242 رنز کا ہدف بھارت نے 43 اوور میں 4 وکٹ کے نقصان پر پورا کرلیا۔دبئی انٹرنیشنل کرکٹ اسٹیڈیم میں کھیلے گئے میچ میں قومی ٹیم کے کپتان محمد رضوان نے بھارت کے خلاف ٹاس جیت کر بیٹنگ کا فیصلہ کیا۔
پاکستان کی اننگز
پاکستان کی پوری ٹیم 49 اعشاریہ 4 اوورز میں 241 رنز بنا کر آؤٹ ہوگئی۔
پاکستان کو پہلا نقصان 41 رنز پر بابر اعظم کی صورت میں اٹھانا پڑا جو 23 رنز بناکر ہاردک پانڈیا کی گیند کا شکار بنے، اس کے بعد امام الحق 10 رنز بناکر رن آؤٹ ہوگئے۔
محمد رضوان 46 رنزبناکرآؤٹ ہوئے جبکہ سعود شکیل 62 رنزبناکر پویلین لوٹے، طیب طاہر 4 اور سلمان آغا 19 رنز بنا کر آؤٹ ہوئے۔ان کے بعد آنے والے شاہین آفریدی بغیر کوئی رن بنائے آؤٹ ہوئے، نسیم شاہ نے 14 رنز کی اننگز کھیلی، خوشدل شاہ نے 38 اور حارث رؤف نے 8 رنز بنائے۔بھارت کی جانب سے کلدیپ یادیو نے 3، ہاردک پانڈیا نے 2 ، ہرشیت رانا، اکثر پٹیل اور جدیجا نے ایک ایک وکٹ لی۔
بھارت کی اننگز
بھارت کے پہلے آؤٹ ہونے والے کھلاڑی کپتان روہت شرما تھے جنہیں شاہین آفریدی نے بولڈ کیا، روہت شرما 20 رنز بنا کر آؤٹ ہوئے۔ ان کے بعد شبمن گل 46 رنز بنا کر ابرار کے ہاتھوں بولڈ ہوگئے۔شریاس ایئر 56 رنز بناکر کیچ آؤٹ ہوئے، انہیں خوشدل شاہ نے آؤٹ کیا۔ ہاردیک پانڈیا 8 رنز بناکر شاہین شاہ آفریدی کی گیند پر کیچ آؤٹ ہوئے۔اس موقع پر ویرات کوہلی وکٹ پر جمے رہے اور ون ڈے کریئر کی 51 ویں سنچری اسکور کی، انہوں نے 111 گیندوں پر 7 چوکوں کی مدد سے 100 رنز بنائے۔ شاندار بلے بازی پر انہیں مین آف دی میچ کا ایوارڈ دیا گیا۔بھارت نے 242 رنز کا ہدف 43 اوور میں 4 وکٹ کے نقصان پر پورا کرلیا۔پاکستان کی جانب سے شاہین آفریدی نے 2، ابرار اور خوشدل شاہ نے ایک ایک وکٹ لی۔
ٹاس کے موقع پر گفتگو کرتے ہوئے قومی ٹیم کے کپتان محمد رضوان کا کہنا تھا کہ ہماری ٹیم آج کے میچ میں اچھی کارکردگی دکھائے گی، ٹیم میں ایک تبدیلی ہے ، فخرزمان کی جگہ امام الحق کو شامل کیا گیا ہے، محمد رضوان نے کہا کہ اسکور بورڈ پر اچھا ٹوٹل سجائیں گے۔
پاکستان کی پلیئنگ الیون میں بابراعظم ، امام الحق ، سعود شکیل ، محمد رضوان، سلمان آغا، طیب طاہر، خوشدل شاہ، ابرار احمد ، نسیم شاہ ، شاہین آفریدی اور حارث رؤف شامل تھے۔
سٹی42: پاکستان کی میزبانی میں ہو رہی چیمپئینز ٹرافی کے پانچویں میچ میں چھکوں کی ففٹی بھی ہو گئی۔
دبئی کے کرکٹ سٹیڈیم مین ہو رہے میچ میں انڈیا کے بیٹر اپنی اننگز کھیل رہے ہیں۔ چیمپئینز ٹرافی کا 53 وایں چھکا شریاس لائر نے سلمان آغا کو لگایا۔ ٹرافی کے پانچ میچوں کے دوران اب تک سب سے زیادہ چھکے آسٹریلیا کے انگلیس نے لگائے ہین جو 6 ہیں، انگلیس نے یہ سب چھکے ایک ہی میچ میں انگکش باؤلرز کو لگائے۔ بین ڈکیٹ اور ٹوم لیتھم تین تین چھکے لگا کر چھکوں کی ریس مین انگلیس کے پیچھے پیچھے ہیں۔
February 02, 2026
February 02, 2026
سٹی42: چیمپئینز ٹرافی 2025 ون ڈے کرکٹ کا تیز ترین میگا ایونٹ ثابت ہو رہی ہے۔ پانچ میچوں میں چوکوں کے نئے ریکارڈ بن رہے ہیں۔
پاکستان کی میزبانی میں ہو رہی چیمپئینز ٹرافی کے دبئی سیگمنٹ میں آج پاکستان اور انڈیا کے میچ مین بھارت کے بیٹر جتنے بھی چھکے چوکے لگائیں گے، ان سے شان پاکستان کی ہی بڑھے گی۔ پاکستان کی میزبانی میں ہو رہی چیمپئینز ٹرافی کے پانچویں میچ میں اب تک 233 چوکے لگ چکے ہیں.231 واں چوکا ویرات کوہلی نے شاہین آفریدی کو لگایا۔ اس کے بعد انہوں نے خوشدل شاہ کو مسلسل دو چوکے مارے۔
انڈیا کے بیترز اپنی اننگز کے آغاز سے اب تک شاہین کے پہلے اوور کے سوا تقریباً ہر اوور میں چوکا لگا رہے ہیں۔
سٹی42: پاکستان کی میزبانی مین کھیلی جا رہی چیمپئینز ٹرافی2025 کے پانچویں میچ میں دبئی انٹرنیشنل سٹیڈیم میں روایتی حریف پاکستان اور بھارت آمنے سامنے میں۔ بھارت کی اننگز کے آدھے اوورز ہو چکے اور بھارتی بیٹرز 125 رنز بنا پائے تھے۔27 ویں اوور میں ویرات کوہلی نے نسیم شاہ کو چوکا مار کر اپنی ففٹی مکمل کر لی۔ کوہلی کی یہ ففٹی 62 گیندوں سے بنی۔
26 اوورز کے اختتام پر انڈیا کا مجموعہ 128 ہوا اور اس کی دو وکٹیں گریں۔
27 اوورز کے اختتام پر انڈیا کا مجموعہ 136 رنز ہو گیا۔
February 02, 2026
February 02, 2026
ویب ڈیسک : چیمپئنز ٹرافی کے انتہائی اہم میچ میں بابر اعظم اگرچہ لمبی اننگز کھیلنے میں ناکام رہے تاہم انہوں نے سعید انور کا تاریخی ریکارڈ توڑ کر اہم سنگ میل عبور کرلیا۔
دبئی میں کھیلے گئے میچ میں بابر اعظم نے ون ڈے انٹرنیشنل میں تیز ترین 1 ہزار رنز کرنے کا اعزاز اپنے نام کرتے ہوئے سعید انوار کو پیچھے چھوڑ دیا۔بابر اعظم نے اتوار کو ہونے والے میچ میں ہرشت رانا کی گیند کو باؤنڈری پار کروا کے ریکارڈ اپنے نام کیا۔انہوں نے ون ڈے ٹورنامنٹ میں 1 ہزار تیز ترین رنز بنانے کا اعزاز 24ویں اننگز میں مکمل کیا۔
بابر اعظم نے بھارت کے خلاف صرف 23 رنز کی اننگز کھیلی اُس کے باوجود وہ سعید انوار کا تاریخی ریکارڈ اپنے نام کرنے میں کامیاب ہوئے۔سعید انور نے تیز ترین 1 ہزار رنز 25 اننگز میں بنائے جبکہ جاوید میاں داد تیسرے نمبر پر ہیں جنہوں نے 30 اننگز میں ون ڈے فارمیٹ میں 1 ہزار تیز ترین رنز بنائے ہیں۔
ویب ڈیسک : آئی سی سی چیمپئنز ٹرافی کے پانچویں میچ میں بھارتی کرکٹ ٹیم نے لگاتار 12 مرتبہ ٹاس ہارنے کا انوکھا ریکارڈ قائم کردیا۔
بھارتی کرکٹ ٹیم آئی سی سی چیمپئنز ٹرافی 2025ء میں پاکستان کیخلاف اپنا دوسرا میچ کھیل رہی ہے، اس سے قبل بنگلادیش کیخلاف بھارت نے 6 وکٹوں سے فتح حاصل کی تھی تاہم ایونٹ کے دونوں میچز میں روہت الیون نے ٹاس ہارا اور اس کے ساتھ ہی لگاتار سب سے زیادہ مرتبہ ٹاس ہارنے کا انوکھا ریکارڈ بھارت کے نام ہوگیا۔
بھارتی ٹیم کی جانب سے ٹاس ہارنے کا سلسلہ ورلڈکپ 2023ء سے شروع ہوا تھا، جب روہت شرما فائنل میں آسٹریلیا سے ٹاس ہارے تھے، اس کے بعد جنوبی افریقا کیخلاف 3 میچز کی سیریز میں کے ایل راہول کپتان تھے، اس میں وہ تینوں میچز میں لگاتار ٹاس ہارے تھے۔ سری لنکا میں سیریز کے دوران بھارتی ٹیم کے کپتان روہت شرما لگاتار 3 مرتبہ ٹاس ہارے، اس کے بعد بھارت میں کھیلی جانیوالی سیریز میں انگلینڈ کیخلاف بھی روہت شرما لگاتار 3 میچز میں ٹاس ہارے تھے۔ جس کے بعد دبئی میں کھیلے جانیوالے آئی سی سی چیمپنئز ٹرافی کے دوسرے میچ میں بھارتی کرکٹ ٹیم کے کپتان روہت شرما بنگلادیش سے بھی ٹاس ہارے اور آج ایونٹ کے پانچویں میچ میں پاکستان کیخلاف بھی روہت شرما ٹاس ہار گئے۔ اس طرح بھارتی ٹیم نے لگاتار 11 میچز میں ٹاس ہارنے کا ریکارڈ توڑ دیا، اس سے قبل یہ ریکارڈ نیدرلینڈ کی ٹیم کے پاس تھا، جو مسلسل 11 میچز میں ٹاس ہاری تھی۔
February 02, 2026
February 02, 2026
سٹی42: ابرار نے انڈیا کی سب سے قیمتی وکٹ گرا دی.
46 رنز پر کھیل رہے شبمن گل ففٹی اور سینچری بنانے کی حسرت دل میں لئے واپس جانے پر مجبور ہو گئے۔
ابرار نے خوبصورت لیگ بریک گڈ لینتھ پر کی جسے کھیلنے کے لئے شبمن بیک فٹ پر گئے لیکن بال خوبصورتی سے جگہ بناتی ہوئی وکٹ کے اندر گھس گئی۔
18 اوورز کے اختتام پر انڈیا دو وکٹیں گنوا کر 102 رنز بنا پائے ہیں۔
ویب ڈیسک : ویرات کوہلی نے ون ڈے کرکٹ میں ایک اور اہم سنگ میل عبور کرلیا۔
آئی سی سی چیمپئنز ٹرافی میں پاکستان کے خلاف میچ میں ویرات کوہلی نے ون ڈے کرکٹ میں 14 ہزار رنز مکمل کیے۔ویرات کوہلی یہ سنگ میل عبور کرنے والے تیسرے بیٹر ہیں۔ویرات کوہلی سے قبل سچن ٹنڈولکر اور کمار سنگا کارا بھی 14 ہزار ون ڈے رنز بنا چکے ہیں۔کوہلی 287 اننگز میں یہ سنگ میل عبور کرکے تیز ترین 14 ہزار رنز بنانے والے پلیئر بن گئے ہیں۔سچن ٹنڈولکر نے 350 اور سنگاکارا نے 378 اننگز میں یہ کارنامہ انجام دیا تھا۔
February 02, 2026
February 02, 2026
ویب ڈیسک : چیمپیئنز ٹرافی میں بھارت کے خلاف میچ میں پاکستان نے پہلے 6 اوورز میں 28 ڈاٹ بال کھیل کر ابتدائی چھ اوورز میں زیادہ ڈاٹ بال کھیلنے کا اپنا ریکارڈ برابر کردیا۔
آج بھات کے خلاف انتہائی اہم میچ میں پاکستان نے ٹاس جیت کر بیٹنگ کا آغاز کیا، پاکستانی اوپنرز بابراعظم اور امام الحق نے ابتدا ہی سے محتاط انداز اختیار کیا، جس کا نتیجہ یہ ہوا کہ پہلے 6 اوورز میں انہوں نے 28 بالز پر کوئی اسکور نہیں کیا۔
چیمپیئنز ٹرافی کے اپنے پہلے میچ میں نیوزی لینڈ کے خلاف بھی پاکستانی بیٹرز نے 6 اوورز میں 28ڈاٹ بالز کھیلی تھیں، یوں بھارت کے خلاف میچ میں چیمپیئنز ٹرافی کے ابتدائی چھ اوورز میں زیادہ ڈاٹ بالز کھیلنے کا اپنا ہی ریکارڈ برابر کردیا۔بھارت کے خلاف میچ میں پاکستانی بلے بازوں کی کارکردگی ایک بار پھر مایوس کن رہی اور پوری ٹیم 49.4 اوورز میں 241 رنز بناسکی۔
سٹی42: دبئی انٹرنیشنل سٹیڈیم میں بھارتی بیٹرز کی رنبنانے کی رفتار توڑنے اور وکٹ حاصل کرنے کے لئے کیپٹن نے ایک بار پھر باؤلر تبدیل کیا، پہلے حارث کو بال دی تھی، پھر ابرار سے اوور کروایا اور دوسرے اینڈ پر خوشدل شاہ کو اوور ملا ۔
پاکستان کی میزبانی میں ہو رہی چیمپئینز ٹرافی کے پانچویں میچ میں دبئی انٹرنیشنل کرکٹ سٹیڈیم میں بھارت اور پاکستان آمنے سامنے ہیں۔ بھارت کی ٹیم ایک وکٹ گنوا کر 14 اوور میں88 رنز بنا پائی تھی۔
حارث رؤف نے دو اوور کئے انہیں 17 رنز پڑے، خوشدل شاہ کے ایک اوور میں 2 رنز پڑے اور ابرار کے 3 اوورز مین 10 رنز پرے۔ گزشتہ چار اوورز مین پاکستانی باؤلر رنز روکنے میں خاطر خوا ہکامیاب ہوئے ہیں۔ خوشدل کے دوسرے اوور میں انہین چھ رنز پڑ گئے۔
17 اوورز کے اختتام پر انڈیا 99 رنز بنا پائی ہے۔ کوہلی 30 اور شبمن 46 رنز پر کھیل رہے ہیں۔
February 02, 2026
February 02, 2026
سٹی42: حارث رؤف کی گیند پر خوشدل شاہ سے ویرات کوہلی کا کیچ چھوٹ گیا۔
خوشدل شاہ ڈیپ تھرڈ پر کچھ کم متوجہ تھے، حارث رؤف کی آف سائیڈ پر قدرے اچھی پیس سے آتی بال کو روہت کوہلی نے ہٹ کیا تو ابل بیٹ کے اوپری ایج پر آئی، روہت نے اچھا سٹروک کھیلا لیکن انگل گڑبڑ تھا، بال خوشدل شال کی ریچ مین تھی لیکن وہ توجہ دیر سے مبذول ہونے پر تیزی سے آتی گیند پر ٹھیک سے ہاتھ نہیں ڈال سکے۔
یہ سانحہ 11 ویں اوور مین ہوا جب انڈیا کا مجموعہ 67 تھا۔ اس اوور میں حارث رؤف نے صرف 3 رنز دیئے۔
اس وقت 12 اوورز کے اختتام پر انڈیا 70 رنز بنا چکے ہیں۔ ویرات کوہلی 17 اور شبمن 36 رنز پر کھیل رہے ہیں۔
ویب ڈیسک :ویرات کوہلی نے سپورٹس مین سپرٹ کا مظاہرہ کرکے سب کے دل جیت لیے
بھارت کرکٹ ٹیم کے اسٹار بلے باز اور سابق کپتان ویرات کوہلی نے ایک بار پھر اسپورٹس مین اسپرٹ کا مظاہرہ کر کے سب کے دل جیت لیے۔دبئی میں ہونے والے میچ کے دوران نسیم شاہ بیٹنگ کے لیے آئے تو ایک موقع پر اُن کے جوتے کے تسمے کھل گئے تھے۔ویرات کوہلی نے یہ دیکھا تو وہ نسیم شاہ کی مدد کو آگے بڑھے اور تسمے باندھ دیے۔ اس لمحے کو کیمرے کی آنکھ نے قید کیا اور جیسے ہی تصویر سامنے آئی تو سب نے ویرات کی ایک بار پھر تعریف کی۔
قبل ازیں میچ کے دوران گراؤنڈ میں ویرات کوہلی کی بابر اعظم کے ساتھ بھی گپ شپ اور ملاقات کی تصویر سامنے آئی تھی جس کو مداحوں نے بہت پسند کیا تھا۔
February 02, 2026
February 02, 2026
ویب ڈیسک : بھارت کے تجربہ کار باؤلر محمد شامی نے پاکستان کے خلاف میچ میں ایک ناپسندیدہ ریکارڈ اپنے نام کرلیا۔
دبئی انٹرنیشنل کرکٹ سٹیڈیم میں چیمپئنز ٹرافی 2025 کے ایک اہم میچ میں میزبان پاکستان کے مدمقابل محمد شامی پہلے اوور میں اپنی لائن اور لینتھ سے بھٹک گئے۔محمد شامی نے اپنے ابتدائی اوور میں 11 گیندیں پھینکیں جو ون ڈے کرکٹ میں کسی بھی ہندوستانی باؤلر کی جانب سے مشترکہ طور پر سب سے زیادہ ہیں۔ دائیں ہاتھ کے فاسٹ باؤلر نے گیند پر کنٹرول برقرار رکھنے کے لیے کافی جدوجہد کی لیکن وہ کامیاب نہ ہو سکے اور پہلے اوور میں 5 وائڈ بالز کر بیٹھے۔ نتیجتاً شامی نے سابق فاسٹ باؤلرز عرفان پٹھان اور ظہیر خان کے ساتھ یہ ریکارڈ شیئر کیا جنہوں نے بالترتیب 2006 اور 2003 میں ایک اوور میں 11 گیندیں پھینکی تھیں۔
حیرت انگیز طور پر ان تینوں باؤلرز نے یہ 11 گیندوں والا اوور اننگ کے پہلے اوور میں ہی کیا تھا۔
سٹی42:پاکستان کی میزبانی میں ہو رہی چیمپئینز ٹرافی کے دبئی میچ میں پاکستان کے سٹار شاہین نے انڈین کیپٹن روہت شرما کی وکٹ اکھاڑ دی۔
پاکستان نے پہلے بیٹنگ کرتے ہوئے 241 کا معمولی مجموعہ بنایا تھا، انڈین اوپنرز روہت شرما اور شبمن گل نے ابتدا ہارڈ ہٹنگ سے کی اور پانچویں اوور تک 31 رنز بنا لئے، شاہین شاہ آٖریدی نے پانچویں اوور میں روہت شرما کی وکٹ گرا دی۔ پاور پلے کے اختتام پر انڈیا بہترین وکٹ گنوا کر 32 رنز بنا پایا ہے۔
روپت شرما نے 20 رنز بنئاے، شبمن گل 17 رنز کے ساتھ وکٹ پر ہیں اور کوہلی نے ابھی اکاؤنٹ نہیں کھولا۔
February 02, 2026
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025
23 Feb, 2025