ویب ڈیسک : پارلیمنٹ لاجز کے بعض رہائشی یونٹس پر 50 لاکھ روپے تک کے اخراجات کا انکشاف ہوا ہے۔

سینیٹ ہاؤس کمیٹی کی ذیلی کمیٹی کے ارکان نے کہا ہے کہ پارلیمنٹ لاجز کے بعض رہائشی یونٹس پر 50 لاکھ روپے تک اخراجات کیے گئے۔

انہوں نے کہا کہ پارلیمنٹ لاجز کے رہائشی یونٹس کے ارکان کہتے ہیں کہ جتنے پیسے لگے ہیں اتنا تو کام ہی نہیں ہوا ہے۔

کمیٹی نے تجویز کیا کہ جن پارلیمنٹ لاجز میں مرمت کا کام ہوا ہے وہاں رہائش پزیر سینیٹرز سے تسلی بخش کام کی تکمیل کا سرٹیفکیٹ لیا جانا چاہیے۔