ویب ڈیسک:پاکستانی خوبرو اداکارہ اُشنا شاہ نے منگنی کر لی ہے۔
اُشنا شاہ نے گزشتہ روز اپنے سوشل میڈیا اکاؤنٹ انسٹاگرام پر اپنی منگنی کی ایک خوبصورت تصویر شیئر کرتے ہوئے یہ اچھی خبر مداحوں کے ساتھ شیئر کی۔ اداکارہ اشنا شاہ کے منگیتر ایک معروف گالفر ہیں جن کا نام حمزہ امین ہے۔
View this post on Instagram
انہوں نے اپنی اس پوسٹ میں منگیتر حمزہ امین کو ٹیگ کرتے ہوئے کیپشن میں لکھا کہ حمزہ امین اِن کے مسنگ پزل ہیں۔اُنہوں نے پنجابی میں لڑکا لڑکی کے رشتے کے آغاز میں بولے جانے والا مشہور جملہ ’منڈا سوہنا وی اے تے چنگا وی، بسم اللّٰہ کریے‘ (لڑکا خوبصورت بھی ہے اور اچھا بھی ، بسم اللّٰہ کیجیے) بھی لکھا۔
دوسری جانب حمزہ امین نے انسٹاگرام پر اپنی منگیتر، اُشنا شاہ کا تعارف کچھ اِن لفظوں میں کروایا ہے کہ، ’میری خوبصورت منگیتر اشنا شاہ سے ملیے، میرا دل آپ کی پناہ گاہ ہو گا اور میری بانہیں آپ کا گھر ہوں گی‘۔
View this post on Instagram
واضح رہے کہ اُشنا شاہ اور گالفر حمزہ امین کے رشتے سے متعلق لمبے عرصے سے خبریں سامنے آرہی تھیں جبکہ دونوں کو کئی بار ایک ساتھ بھی دیکھا گیا تھا۔یاد رہے کہ حمزہ امین پاکستان کے پہلے گالفر ہیں جنہوں نے عالمی ٹورنامنٹ وَن ایشیا گالف ٹور کے لیے 2015ء میں کوالیفائی کیا تھا۔
دوسری جانب اداکارہ کو پاکستانی شوبز انڈسٹری کی معروف شخصیات سمیت ہر خاص و عام، فالوورز اور مداحوں کی جانب سے مبارکباد دینے کا سلسلہ جاری ہے۔