ویب ڈیسک : پاکستان کرکٹ ٹیم ابوظبی پہنچ گئی، ایشیاء کپ ٹی 20 کے اہم میچ میں پاکستانی ٹیم سری لنکا کے مدمقابل ہوگی۔

 پاکستان کرکٹ ٹیم سپر فور مرحلے کا دوسرا میچ کھیلنے کیلئے دبئی سے ابوظبی پہنچی ہے، وہ کل سری لنکا کے ساتھ میچ کے لیے میدان میں اترے گی۔ 

 آج قومی کرکٹ ٹیم کی کوئی سرگرمی شیڈولڈ نہیں تھی، کرکٹرز نے ابوظبی پہنچنے کے بعد آرام کیا جبکہ کچھ کھلاڑیوں نے انفرادی طور پر معمول کے مطابق جم میں ٹریننگ کی۔

 خیال رہے کہ پاکستان کرکٹ ٹیم کو فائنل کی ریس میں رہنے کیلئے منگل کو سری لنکا کو شکست دینا ہوگی، جبکہ اگلا میچ جمعرات کو بنگلادیش سے ہوگا۔