سٹی 42 :وزیر اعظم عمران خان ، وزیراعلیٰ پنجاب عثمان بزدار، چودھری برادران، آصف زرداری , بلاول بھٹو اور آرمی چیف قمر جاوید باجوہ نے نوازشریف ،شہباز شریف کی والدہ کے انتقال پرافسوس کا اظہار کیاہے اور سوگوارخاندان سے اظہار تعزیت کیا ہے۔
وزیراعلیٰ پنجاب سردار عثمان بزدار، گورنر پنجاب چودھری سرور نے نوازشریف ،شہبازشریف کی والدہ کے انتقال پر اظہار افسوس کیاہے،چودھری شجاعت ،پرویز الٰہی اور مونس الٰہی نے بیگم شمیم اختر کے انتقال پر اظہار افسوس کرتے ہوئے کہاہے کہ ہم آپ کے غم میں برابر کے شریک ہیں ،اللہ پاک یہ صدمہ حوصلے سے برداشت کرنے کی توفیق عطافرمائے۔
آرمی چیف قمر جاوید باجوہ کی جانب سے ٹویٹر اکاؤنٹ پر تعزیت بھرہ پیغام شئیر کرتے ہوئے اظہار افسوس کیا۔
#COAS expresses grief and heartfelt condolences on sad demise of Begum Shamim Akhtar mother of Mian Muhammad Nawaz Sharif / Mian Shehbaz Sharif “May Allah Almighty bless the departed soul in eternal peace - Ameen”, COAS
— DG ISPR (@OfficialDGISPR) November 22, 2020
شریک چیئرمین پیپلزپارٹی آصف زرداری اور چیئرمین بلاول بھٹوزرداری نے بھی نوازشریف اور شہبازشریف کی والدہ کے انتقال پر اظہار افسوس کیاہے، آصف زرداری اور بلاول بھٹو نے مرحومہ شمیم اختر کی مغفرت اور بلند درجات کیلئے دعاکی،انہوں نے کہاکہ ہم آپ کے غم میں برابر کے شریک ہیں۔
وفاقی وزیر اطلاعات سینیٹر شبلی فراز نے تعزیت کرتے ہوئے ٹویٹ کیا ہے کہ محمد نواز شریف اور محمد شہباز شریف کی والدہ ماجدہ کے انتقال پر بہت افسوس اور دکھ ہے۔اللہ تعالی مرحومہ کو اپنے جوار رحمت میں اعلی مقام عطا فرمائے اور لواحقین کو صبر جمیل دے۔ آمین
محمد نواز شریف اور محمد شہباز شریف کی والدہ ماجدہ کے انتقال پر بہت افسوس اور دکھ ہے۔اللہ تعالی مرحومہ کو اپنے جوار رحمت میں اعلی مقام عطا فرمائے اور لواحقین کو صبر جمیل دے۔ آمین
— Senator Shibli Faraz (@shiblifaraz) November 22, 2020