(علی اکبر) وزیراعلیٰ پنجاب نے ’’دی مونو مینٹس آف لاہور‘‘ کتاب کی رونمائی کردی، سردار عثمان بزدار نےلاہور کی یادگار عمارتوں کی تاریخ کو محفوظ بنانے کیلئے کتاب مرتب کرنے پر محکمہ آرکیالوجی حکام کی کاوش کوسراہا۔
تفصیلات کے مطابق صوبائی وزیر یوتھ افیئرز،سیاحت،سپورٹس و آرکیالوجی تیمور بھٹی نے وزیراعلیٰ عثمان بزدار کو کتاب پیش کی ۔کتاب میں لاہور کی 83یادگار عمارتوں کی تاریخ کو محفوظ کیاگیاہے۔ اس موقع پر وزیر اعلیٰ کا کہنا تھا کہ پاکستان خصوصاً لاہورکی تاریخی عمارتیں ہمارا قابل قدر اورمنفرد اثاثہ ہیں، لاہور آرکیالوجیکل،کلچرل اورفن تعمیر میں امتیازی حیثیت رکھتا ہے۔
انہوں نے کہا کہ یہ کتاب نئی نسل کو لاہور کی ثقافت،فن تعمیر اورتاریخ سے روشناس کرنے میں مددگار ثابت ہوگی،بلاشبہ لاہور ماضی میں بھی فن و ثقافت کا مرکز رہاہے۔ آج بھی لاہورکی تاریخی عمارتیں مقامی لوگوں کے ساتھ ساتھ سیاحوں کیلئے کشش کا باعث ہیں۔وزیر اعلیٰ کاکہنا تھا کہ یہ کتاب نئی نسل کو تاریخ سے جوڑے رکھے گی جو قومیں ماضی کی درخشاں روایات کو بھول جاتی ہیں، وہ اپنا راستہ کھو دیتی ہیں،ماضی کی تابندہ روایات کو زند ہ رکھنا ہی زندہ قوموں کا شیوا ہوتا ہے۔اس موقع پرڈی جی آرکیالوجی،سیکرٹری اطلاعات اورمتعلقہ حکام بھی موجود تھے۔
Punjab Minister for Archeology, Sports and youth affairs @RaiTaimoorPTI presented copy of "Monuments of Lahore", a book covering 83 of Lahore’s most historic sites, to CM Punjab @UsmanAKBuzdar.
— Government of Punjab (@GOPunjabPK) May 22, 2020
This is the first ever effort to showcase the most important monuments of Lahore. pic.twitter.com/utylpdI5a5