(سعود بٹ )چیئرمین جوائنٹ چیف آف سٹاف کمیٹی اور سروسز چیفس نے افغانستان میں زلزلے سے جاں بحق ہونیوالوں کیلئے اظہار افسوس کیا ہے، ڈی جی آئی ایس پی آر نےکہا پاکستانی افواج افغانستان کے لوگوں کو ہرممکن مدد فراہم کیلئے تیار ہیں۔
تفصیلات کےمطابق چیئرمین جوائنٹ چیف آف سٹاف کمیٹی اور سروسز چیفس نےافغانستان کی صورتحال پر اظہار افسوس کیا،افغانستان کے مختلف علاقوں میں زلزلے اور طوفانی سیلاب کی وجہ سے قیمتی جانوں کے المناک نقصان ہوا۔
ڈی جی آئی ایس پی آر کی جانب سے کہا گیا کہ ملک کے بنیادی ڈھانچے کو پہنچنے والے نقصان پر گہرے دکھ کا اظہار کرتے ہیں، پاکستان کی افواج افغانستان کے لوگوں کو ہر ممکن انسانی امداد فراہم کرنے کے لیے تیار ہیں.
CJCSC & Services Chiefs express deepest condolences over tragic loss of precious lives & damage to infrastructure due to earthquake & torrential floods in various areas of Afghanistan. AFs of Pakistan are ready to provide all possible humanitarian assistance to people of Afg.
— DG ISPR (@OfficialDGISPR) June 22, 2022
علاوہ ازیں تحریک انصاف کے چئیرمین عمران خان نے افغانستان میں زلزلے کے نتیجے میں جانی نقصان پر اظہار افسوس کرتے ہوئے کہا کہ میری دعائیں اور ہمدردیاں افغان عوام اور حکومت کے ساتھ ہیں۔ میں نے خیبرپختونخوا حکومت کو ہر قسم کی امداد خصوصاً طبی سہولیات کی فراہمی کی ہدایات دے دی ہیں۔
زلزلے کے نتیجے میں جانی نقصان پر میری دعائیں اور ہمدردیاں افغان عوام اور حکومت کے ساتھ ہیں۔ میں نے خیبرپختونخوا حکومت کو ہر قسم کی امداد خصوصاً طبی سہولیات کی فراہمی کی ہدایات دے دی ہیں۔
— Imran Khan (@ImranKhanPTI) June 22, 2022