ویب ڈیسک: ایک بڑے چینل پرلائیو شو کے دوران اس وقت تشویشناک صورت حال پیدا ہوگئی جب بحث کےدوران سینئر صحافی اور سابق وزیرایک دوسرے کے ساتھ گتھم گتھا ہوگئے۔
لبان کے سابق وزیر وئام وھاب اور صحافی سائمن ابو فاضل ٹاک شو میں بطور تجزیہ کا موجود تھے ،پروگرام میں صدر کے انتخاب کے حوالے سے ہونے والی بات چیت بحث میں تبدیل ہوگئی،اس دوران تلخی بڑھنے پر سابق وزیر نے سینئر صحافی پر پانی پھینک دیا۔
پانی پھینکے جانے کا جواب سینئر صحافی نے مکے سے دیا اس کے بعد سابق وزیر اور صحافی ایک دوسرے کے ساتھ دست و گریبان ہوگئے اور انہوں نے ایک دوسرے پر مکے برسا نا شروع کر دئیے۔
لڑائی شروع ہوتے ہی اینکر اور اسٹوڈیو میں موجوددیگر لوگ بیچ بچاؤ کرانے کی کوشش کرتے رہے۔
لائیو پروگرام کےدوران ہونے والی لڑائی کی ویڈیو سوشل میڈیا پر وائرل ہوگئی۔