(ویب ڈیسک) نو پارکنگ سے ٹریفک پولیس کا لفٹر کے ذریعے کسی گاڑی کو اٹھانا کوئی بڑی بات نہیں لیکن اگر گاڑی یا موٹر سائیکل کو سوار سمیت اٹھا لیا جائے تو نہایت عجیب لگتا ہے۔
ایسا ہی واقعہ بھارتی ریاست پونے میں پیش آیا جہاں نوپارکنگ سے ایک شخص کو موٹر سائیکل سمیت لفٹ کرلیا گیا ویڈیو دیکھ کر سوشل میڈیا صارفین حیران رہ گئے۔
یہ واقعہ تقریبا تین روز قبل شام کے اوقات میں بھارت کے پونے کے علاقے نانپیتھ میں پیش آیا جب ایک ٹریفک برانچ پولیس اہلکار نے کنٹریکٹ عملے کے ساتھ موٹرسائیکل اٹھا لی۔ پولیس کو اطلاع ملی کہ موٹر سائیکل نو پارکنگ ایریا میں کھڑی ہے جب عہدیداروں نے موٹر سائیکل کو لفٹ کرنا شروع کی تو مالک آیا اور اس پر بیٹھ گیا۔
#WATCH | Maharashtra: A motorcycle was towed in Pune y'day while its rider was sitting on it
— ANI (@ANI) August 20, 2021
DCP Traffic says, "Bike was parked in no parking. When our officials towed it, owner came &sat on it. He was requested to get down. Later he did & accepted his mistake. He paid the fine" pic.twitter.com/987qnbTPtu
ذرائع کے مطابق ڈپٹی کمشنر ٹریفک پولیس کا کہنا ہے کہ موٹر سائیکل جب اٹھائی جارہی تھی تو مالک اس پر چڑھ کر بیٹھ گیا اور بار بار درخواست کے باوجود نیچے اترنے سے انکار کردیا جس کے بعد عملے نے اس شخص سمیت ہی موٹر سائیکل کو اٹھا لیا۔