عابد چودھری: اقبال  ٹاؤن پولیس نے کارروائی کرتے ہوئے جھپٹا مار کر موبائل فون چھیننے والے شاطر ملزم کو گرفتار کر لیا۔

پولیس کے مطابق شہری اویس نے ہیلپ لائن 15 پر کال کر کے اطلاع دی کہ ایک نامعلوم موٹر سائیکل سوار ملزم اس سے موبائل فون چھین کر فرار ہو گیا ہے۔ اطلاع ملنے پر  اقبال  ٹاؤن پولیس نے فوری کارروائی کا آغاز کیا۔

پولیس نے سی سی ٹی وی کیمروں کی مدد سے ملزم کو ٹریس کیا، جبکہ واردات کے بعد کی ویڈیو فوٹیج میں بھی ملزم کو واضح طور پر دیکھا جا سکتا ہے۔ جدید ٹیکنالوجی اور موثر سراغ رسانی کے ذریعے ملزم کو کامیابی سے گرفتار کر لیا گیا۔

گرفتار ملزم کے قبضے سے چھینا گیا موبائل فون اور واردات میں استعمال ہونے والی موٹر سائیکل بھی برآمد کر لی گئی ہے۔

اس کامیاب کارروائی پر ایس پی سدرہ خان  نے عدیل انجم اور ان کی پولیس ٹیم کو شاباش دی اور ان کی کارکردگی کو سراہا۔