سٹی 42: سیشن کورٹ اور احتساب عدالت کے سیکورٹی انچارج انسپکٹر مبشر اعوان کی ایک اور بڑی کاروائی، جہانگیر ترین کے پیشی کے وقت احتساب عدالت کے گیٹ سے مسلحہ شخص گرفتار کر لیا، پسٹل اور گولیاں بھی برآمد کرلیں۔
سیشن کورٹ اور احتساب عدالت کے سیکورٹی انچارج انسپکٹر مبشر اعوان اور ان کی ٹیم نے ملزم طارق محمود گجر کو گرفتار کیا، پولیس کے مطابق مسلحہ شخص جہانگیر ترین کی پیشی کے موقع پر احتساب عدالت کے گیٹ سے اندر داخل ہونے کی کوشش کررہا تھا۔ ملزم طارق محمود گجرسے پسٹل ہوا ملزم سے 3 گولیاں اور ایک میگزین بھی برامد ہوا انسپکٹر مبشر اعوان کا کہنا تھا عدالتوں کے باہر متعدد سائلین اور ملزمان قتل ہوچکے ہیں کوئی بڑا سانحہ پیش آسکتا تھا۔
پولیس نے بروقت کارروائی کرکے مسلحہ شخص کو گرفتار کر لیا ملزمان کو عدالتوں میں اسلحہ لانے کی اجازت نہیں دیں گے سی سی پی او اور ڈی آئی جی کے احکامات پر عملدرآمد کروا رہے ہیں۔
وکلا ,ججز اور سائلین کے جان و مال کا تحفظ یقینی بنائیں گے ملزم طارق محمود گجر کو مزید تفتیش کیلئے تھانہ اسلام پورہ منتقل کردیا گیا ہے۔