سٹی 42: مسلم لیگ ن کی نائب صدر مریم نواز کا شہباز شریف کی ضمانت منظور ہونے پر خوشی کا اظہار کرتے ہوئے کہا ہے کہ شہباز شریف کا مقابلہ کرنا ہے تو خدمت کے میدان میں کرو۔
شہباز شریف کی ضمانت منظوری پر ٹویٹر پر اپنے ردعمل میں مریم نواز نے کہا کہ دس سال کہیں بھی ناانصافی کا سن کر پہنچ جانے والے کو آخر انصاف مل ہی گیا۔ جتنی مرتبہ بھی شہباز شریف کو گرفتار کیا، ان کا جرم صرف وفا نواز شریف سے وفاداری ہی نکلا۔
دس سال کہیں بھی ناانصافی کا سن کر پہنچ جانے والے کو آخر انصاف مل گیا۔ جتنی مرتبہ بھی شہباز شریف صاحب کو گرفتار کیا، ان کا جرم صرف وفا نواز شریف نکلا۔ شہباز شریف کا مقابلہ کرنا ہے تو خدمت میں کرو، جھوٹے مقدمات کے ذریعے خدمت کے نشان نہیں مٹائے جاسکتے۔ #سرخرو_شہباز_پاکستان pic.twitter.com/8JXyQv42zP
— Maryam Nawaz Sharif (@MaryamNSharif) April 22, 2021
انہوں نے مزید کہا کہ شہباز شریف کا مقابلہ کرنا ہے تو خدمت میں کرو۔ جھوٹے مقدمات کے ذریعے خدمت کے نشان نہیں مٹائے جا سکتے۔ مریم نواز نے سرخرو_شہباز_پاکستان کا ہیش ٹیگ بھی چلایا۔