سٹی42: لاہور سمیت صوبہ بھر میں غیر قانونی اسلحہ کے خلاف بڑا کریک ڈاؤن شروع کر دیا گیا ہے۔ ایک ماہ کے اندر رضا کارانہ طور پر اسلحہ مقامی تھانوں میں جمع کرانے کی مہم کا آغاز کیا گیا ہے اور حکام نے واضح کیا ہے کہ جو لوگ خود مختارانہ طور پر اسلحہ جمع کرائیں گے ان کے خلاف قانونی کارروائی نہیں کی جائے گی۔ لائسنس یافتہ افراد کو بھی اپنے ہتھیار تھانوں میں رجسٹرڈ کروانے کی ہدایات جاری کی گئی ہیں۔

لاہور پولیس نے اب تک غیر قانونی اسلحہ رکھنے کے 45 مقدمات درج کر دیے ہیں۔ شہر کے اسلحہ ڈیلرز کی میپنگ اور ان کی سکروٹنی کا عمل بھی شروع کر دیا گیا ہے — ڈی آئی جی آپریشنز کے مطابق ڈیلرز کے پاس موجود ہتھیار اور گولیاں لائسنس کے مطابق چیک کی جائیں گی۔ حکام نے بتایا ہے کہ جرائم کا 80 فیصد سے زائد حصہ غیر قانونی اسلحہ سے جڑا ہوا ہے اور ڈکیتیاں، قتل اور دیگر سنگین جرائم میں غیر قانونی ہتھیار کثرت سے استعمال ہوتے ہیں۔

اسلحہ کی ویریفیکیشن میں ہوم ڈپارٹمنٹ اور دیگر متعلقہ ادارے شامل ہوں گے۔