سٹی42: دس مئی کے زخم چاٹتے بھارت نے کم ظرفی پر مبنی حرکتین بند نہین کیں۔ بھارت کی وزارت خٓرجہ نے نئی دہلی مین پاکستانی ہائی کمشنر کو تنگ کرنے کی غرض سے کسی جواز کے بغیر پاکستانی ہائی کمیشن کے ایک اور اہلکار کو انڈیا چھوڑنے کا حکم دے دیا۔
بھارت کی وزارت خارجہ نے آج اعلان کیا کہ پاکستانی ہائی کمیشن کے ایک اہلکار کو 24 گھنٹوں میں بھارت چھوڑنے کا حکم دیا گیا ہے۔
بھارتی وزارت خارجہ کا کہنا ہے کہ اس ضمن میں پاکستانی ناظم الامور کو طلب کر کے ڈی مارش بھی دیا گیا ہے۔
پاکستان میں سفارتی ذرائع کا کہنا ہے کہ پاکستانی وزارت خارجہ نے بھارت کی بلاجواز حرکت کا سخت جواب دینے کا فیصلہ کیا ہے۔
گزشتہ ہفتے بھی بھارت نے پاکستانی ہائی کمیشن کے ایک اہلکار کو کسی اخلاقی جواز کے بغیر محض تنگ کرنے کی غرض سے ملک چھوڑنے کا حکم دیا تھا ۔