ویب ڈیسک: 34 ویں نیشنل گیمز میں پاکستان آرمی کے ایتھلیٹس نے 50 گولڈ میڈلز سمیٹ لئے. آرمی کے کھلاڑیوں کے کل میڈلز کی تعداد 105 میڈلز ہو گئی جن میں سے 33 سلور اور 22 برانز میڈل ہیں۔
واپڈا میڈلز ٹیبل پر دوسرے نمبر پر ہے جس نے اب تک 63 میڈل جیتے ہیں ان میں 25 گولڈ، 18 سلور اور 20 برونز میڈل شامل ہیں۔ نیوی کے کھلاڑیوں نے اب تک 21 گولڈ میڈلز اپنے نام کئے ہیں۔
پاکستان ائیر فورس نے 3 جبکہ پولیس، خیبر پختونخوا اور ایچ ای سی نے ایک ایک گولڈ میڈل جیتا۔
پنجاب نے تین سلور اور دس برانز جب کہ بلوچستان نے تین سلور 7 برانز میڈل جیتے جبکہ سندھ کے حصے میں اب تک ایک سلور میڈل اور آٹھ برانز میڈل آئے ہیں۔
34 ویں نیشنل گیمز میں متعدد کھیلوں کے مقابلے مکمل ہوچکے ہیں تاہم گیمز کی باضابطہ افتتاحی تقریب پیر کو منعقد کی جائے گی۔