ویب ڈیسک: رہنما پی ٹی آئی افتخار درانی نے کہاہے کہ ڈاکٹر شیریں مزاری کو کچھ دیر پہلے ان کے گھر کے باہر سے پولیس نے گرفتار کرلیا ہے۔
افتخار درانی نے سوشل میڈیا ویب سائٹ ٹویٹر پر اپنے پیغام میں کہا کہ ڈاکٹر شیریں مزاری کو کچھ دیر قبل ان گھر کے باہر سے پولیس نے گرفتار کرلیا ہے، تمام کارکنان کوہسار پولیس سٹیشن پہنچیں۔
Dr @ShireenMazari1 has been picked up outside from her house a while ago, everyone must reach Police Station Kohsaaar!
— Iftikhar Durrani (@DuraniIftikhar) May 21, 2022
#امپورٹڈ__حکومت___نامنظور
ذرائع کا کہنا ہے کہ ڈاکٹر شیریں مزاری کو ای سیون اسلام آباد سے حراست میں لیا گیا ۔ پی ٹی آئی رہنماؤں کی جانب سےعہدیداران اور ورکرز کو فوری تھانہ کوہسار پہنچنے کی ہدایت کی گئی ہے۔ ذرائع کے مطابق کیس ڈیرہ غازی خان میں رجسٹرڈ ہوا اور اینٹی کرپشن پنجاب نے اسلام آباد پولیس کی مدد سے گرفتار کیا ۔ ذرائع کے مطابق زمین پر قبضے کے کیس میں اینٹی کرپشن پنجاب کی ٹیم نے شیریں مزاری کو گرفتار کیا ہے۔
اطلاعات ہیں کہ @ShireenMazari1 کو ان کے اسلام آباد گھر کے باہر سے گرفتار کر لیا گیا ہے
— Ch Fawad Hussain (@fawadchaudhry) May 21, 2022
یادرہے آئی جی اسلام آباد احسن یونس اور ایس ایس پی آپریشنز کو آج ہی ان کے عہدوں سے ہٹا دیا گیا تھا ، ڈاکٹر اکبر ناصر خان کو آئی جی اسلام آباد تعینات کر دیا گیا،واضح رہے کہ الیکشن کمیشن آف پاکستان نے اسلام آباد میں بلدیاتی انتخابات کا شیڈول جاری کر رکھا ہے اور ہر قسم کے تقرر اور تبادلوں پر پابندی عائد تھی تاہم الیکشن کمیشن نے دو دن کے لئے اپنا بلدیاتی شیڈول واپس لیا جس کے بعد یہ اعلی سطی تبادلے ہوئے۔
واردات چیک کریں
— Azhar Mashwani (@MashwaniAzhar) May 21, 2022
بلدیاتی الیکشن کی وجہ سے اسلام آباد کا IG نہیں ہٹا سکتےتھے
پرسوں چیف الیکشن کمشنر کے 17ویں گریڈ کے بھانجے ذیشان رانجھا کوسیالکوٹ کا ADCR+ADCG لگایا گیا
کل رات ECP نے 2دن کےلیےشیڈول واپس لیا جس کی آڑ میں آج IG اورSSP آپریشنز تبدیل کردئیے#امپورٹڈ__حکومت___نامنظور