سٹی 42 : انٹربینک میں ڈالر کی قیمت میں اضافہ ہوگیا ۔ 

اسٹیٹ بینک کے مطابق انٹربینک میں ڈالر کی قدر میں 3 پیسے کا اضافہ ہوگیا ، انٹربینک میں ڈالر 280.23 روپے سے بڑھ کر 280.26 روپے پر بند ہوا ۔ 

ماہرین کا کہنا ہے کہ تین ماہ میں درآمدی بل 15 ارب ڈالر سے تجاوز ہونے پر ڈالر کی طلب دیکھی جارہی ہے ۔  

دوسری جانب اوپن مارکیٹ میں امریکی ڈالر1 پیسے کم ہوکر 282.06 روپے پرآگیا ۔ اوپن مارکیٹ میں یورو 1.55 روپے سستا ہوکر 305.89 روپے، برطانوی پاؤنڈ 3 پیسے کمی سے 366.53 روپے، سعودی ریال 1 پیسے کم ہوکر  75.28 روپے پرآگیا ۔ اس کے علاوہ اوپن مارکیٹ میں یو اے ای درہم 76.80 روپے پر برقرار رہا ۔