سٹی 42 : پاکستان مسلم لیگ ق کے رہنماوں کی سربراہ ق لیگ چودھری شجاعت حسین سے ملاقات ہوئی ۔ 

ملاقات میں ق لیگ کے مرکزی جنرل سیکریٹری طارق حسن، ق لیگ لاہور کے جنرل سیکرٹری ندیم پہلوان سمیت دیگر موجود تھے۔ اس کے علاوہ وفاقی وزیر چودھری سالک حسین بھی اس موقع پر موجود تھے۔ 

ملاقات میں پارٹی کے تنظیمی امور پر تبادلہ خیال کیا گیا۔ ندیم پہلوان نے اپنے حالیہ بیرون ملک دوروں کے حوالے سے چودھری شجاعت کو بریفنگ دی۔  چودھری شجاعت حسین نے پارٹی کے تمام تنظیمی ونگز کو جلد از جلد مکمل کرنے کی ہدایات جاری کیں۔