سٹی 42 :انسان کی زندگی میں ایسے لمحات آتے ہیں جو اس کو یکسر بدل دیتے ہیں،ایسا ہی لمحہ معروف باکسر ہیلم اوٹ کی زندگی میں بھی آگیا۔
کورونا وائرس کی وجہ سے دنیا کے تقریباً تمام ہی ممالک میں لاک ڈاﺅن کے باعث لوگ گھروں تک محدود ہوکر رہ گئے ہیں تاہم اس دوران ایک انسان کی زندگی بھی بدل گئی جنہوں نے ناصرف اسلام کی حقیقت جان لی بلکہ اسلام قبول بھی کر لیا ہے۔مشہور باکسر ہیلم اوٹ کا تعلق آسٹریلیا سے ہے جنہوں نے سماجی رابطے کی ویب سائٹ پر ایک ویڈیو شیئر کی جس میں انہوں نے تمام لوگوں کو بتایا کہ انہوں نے اسلام قبول کر لیا ہے۔
European Champion MMA Fighter Wilhelm Ott accepted Islam during Coronavirus Lockdown pic.twitter.com/kjwDeWskry
— Pure soul (@Puresou05159618) April 19, 2020
باکسر ہیلم اوٹ نے ویڈیو میں بتایا کہ کہ لاک ڈائون نے مجھے اسلام کے آفاقی پیغام کو سمجھنے کا موقع دیا اور اسلام کے مسلسل مطالعے اور غور و فکر کے بعد میں اس نتیجے پر پہنچا ہوں کہ اسلام ایک امن پسند مذہب ہے جس میں دین و دنیا کی کامیابی کا راز ہے۔انہوں نے اپنے ویڈیو پیغام میں کلمہ طیبہ پڑھ کر اپنے ایمان کی تصدیق کی اور اللہ اکبر کا نعرہ بھی لگایا جبکہ تمام لوگوں سے اپیل کی ہے کہ میرے لئے دعا کریں تاکہ میں دین اسلام پر استقامت رکھ سکوں۔
واضح رہے کہ با کسر ہیلم اوٹ مارشل آرٹس (ایم ایم اے ) فائیٹنگ میں یورپین چیمپیئن شپ کا ٹائٹل بھی جیت چکے ہیں اور یہ ویڈیو سامنے آنے کے بعد تمام لوگ بالخصوص مسلمان اسلام قبول کرنے کے فیصلے کو سراہتے ہوئے انہیں مبارکباد پیش کرنے میں مصروف ہیں۔
یاد رہے دنیا بھر میں کورونا کیسوں کی تعداد 25 لاکھ کے لگ بھگ ہوچکی ہے، ایک لاکھ 70ہزار سے زائد انسان اس وائرس سے لقمہ اجل بن چکے ہیں،سات لاکھ کے قریب مریض صحتیاب ہوئے ہیں۔