(مانیٹرنگ ڈیسک) بھارت میں سڑک پر  خاتون موبائل فون سنتے ہوئے بچے سمیت  گٹر میں جا گری، جس کی ویڈیو منظر عام پر آگئی۔

آج کل جسے دیکھو وہ موبائل فون کی دنیا میں گُم ہے، ایسالگتاہے موبائل فون ہمارے جسم کا ایک حصہ ہے اور ہماری عادتوں میں شامل ہے، بہت سے لوگوں کیلئے یہ کسی علت سے کم نہیں۔ سوتے، جاگتے، کھاتے، پیتے، اٹھتے، بیٹھتے، یہاں تک کہ واش روم میں بھی موبائل فون کا استعمال اس قد رعام ہے کہ ایسا لگتاہے جیسے آپ موبائل فون استعمال نہیں کررہے بلکہ موبائل فون آپ کو استعمال کررہاہے، سڑک پر موبائل فون سنتے  ہوئے اردگرد سے بے نیاز ہونا کبھی کبھاربہت خطرناک ثابت ہوتا ہے، ایسا ہی ایک بھارتی خاتون کے ساتھ ہوا جو موبائل فون میں اتنی مگن تھی کہ اسے سامنے آنے والےگٹرکا ہی نہیں پتا چلا اور وہ گود میں موجود بچے سمیت اس میں جا گری، جس کی ویڈیو سوشل میڈیا پر وائرل ہوگئی۔

Shocking moment woman carrying a baby falls into an open manhole as she chats on her phone in India https://t.co/LpISWeHo9J

— Daily Mail Online (@MailOnline) October 19, 2021

ویڈیو میں دیکھا جاسکتا ہےکہ  ایک خاتون بچے کو کو گود میں اٹھائے موبائل فون کان پر لگائے چلی جارہی ہے، اس دوران اس نے کھلےگٹر کے سامنے رکھےگئے اشتہاری اسٹینڈ کو بھی نظرانداز کیا اور بچے سمیت گٹر میں جاگری۔ 

بھارتی میڈیا کے مطابق یہ واقعہ ریاست ہریانہ کے شہر فرید آباد کا ہے، واقعے کے فوری بعد قریب موجود لوگوں نے خاتون اور بچے کو باہر نکالا، حادثے میں ماں اور بچہ خوش قسمتی سے محفوظ رہے۔