وقاص احمد : ہنجروال پولیس نے 19 سالہ بیٹی کو قتل کرنیوالے سوتیلے باپ کو گرفتار کر لیا ۔ملزم نے حقیقی باپ کیساتھ مل کر بیٹی کو قتل کیا اور لاش کوڑے کے ڈھیرپر پھینک دی ۔
ایس پی اقبال ٹاؤن ڈاکٹر محمد عمر کے مطابق ہنجروال کے علاقے میں سوتیلے باپ نے حقیقی باپ کیساتھ مل کر جواں سالہ بیٹی فریحہ کو قتل کر دیا تھا اور لاش کوڑے کے ڈھیر پر پھینک دیا تھا۔ پولیس نے سوتیلے باپ شہباز کو گرفتارکر لیا ہے، جبکہ حقیقی باپ شوکت کی گرفتاری کیلئے چھاپے مارے جا رہے ہیں ۔ پولیس کے مطابق ملزمان کو بیٹی کے کردار پر شک تھا، جس کی وجہ سے انہوں نے لڑکی کو باہمی مشاورت سے قتل کردیا۔