اشرف خان : انٹربینک کے بعد اوپن مارکیٹ میں بھی ڈالر مہنگا ہوگیا ۔ 
اسٹیٹ بینک کے مطابق انٹربینک میں ڈالر 9 پیسے مہنگا ہوگیا ، انٹربینک میں ڈالر 278.21 روپے سے بڑھ کر 278.30 روپے پر بند ہوا ۔ 
دوسری جانب اوپن مارکیٹ میں ڈالر 4 پیسے اضافے سے 279 روپے 54 پیسے کا ہوگیا ۔ اوپن مارکیٹ میں یورو 31 پیسے سستاہوکر 302.70 روپے، برطانوی پاؤنڈ 24 پیسے اضافے سے 353روپے 74 پیسے کا ہوگیا ۔ اس کے علاوہ اوپن مارکیٹ میں امارتی درہم 1 پیسے کمی سے 75.99 روپے ، سعودی ریال 1 پیسے کمی کے بعد 74.19روپے کا ہوگیا۔