سٹی 42 : کینیڈا کی وزیر خارجہ انیتا آنند کی جی ایچ کیو میں فیلڈ مارشل سید عاصم منیر سے ملاقات ہوئی ۔ 

آئی ایس پی آر کے مطابق ملاقات میں باہمی دلچسپی، علاقائی سلامتی اور پاکستان، کینیڈا تعلقات پر تبادلۂ خیال کیا گیا ۔ فیلڈ مارشل سید عاصم منیر نے عالمی امن اور علاقائی استحکام پر پاکستان کا مؤقف پیش کیا۔ ا س موقع پر مشترکہ سیکیورٹی چیلنجز سے نمٹنے کے لیے تعاون اور مشترکہ کوششوں کی اہمیت پر زور دیا گیا ۔ 

کینیڈا کی وزیر خارجہ نے دہشت گردی کے خلاف پاکستان کی قربانیوں اور کوششوں کو سراہا۔ انہوں نے امن و استحکام کے فروغ میں پاکستان کے تعمیری کردار کی بھی تعریف کی ۔ 

پاکستان اور کینیڈا کی جانب سے دفاعی و سیکیورٹی تعاون مزید مضبوط بنانے کے عزم کا اعادہ کیا گیا۔ دونوں ممالک نے دوطرفہ تعلقات اور باہمی روابط کو مزید وسعت دینے پر اتفاق کیا۔