ویب ڈیسک: فیفا عالمی کپ 2026‘کے فائنل مقابلے میں اس مرتبہ یورپ کا ملک اسپین جنوبی امریکا کے ملک ارجنٹائن کو شکست دے کر چیمپین بن  گیا ہے۔ دونوں ٹیموں کے مقابلے میں اسپین مکمل طور پر حاوی رہی۔ تقسیم انعامات کے موقع پر 2026 کے بہترین کھلاڑی کا ایوارڈ اسپین کے کپتان ’ روڈری کاسکنٹے‘ نے جیتا،  لیونل میسی ٹورنامنٹ کے دوسرے بہترین کھلاڑی بنے اور انہیں 2 ایوارڈ ملے۔ جبکہ ’فیفا فیئر پلے‘ کا ایوارڈ نیدرلینڈز کی ٹیم کو دیا گیا۔

فیفا کپ کے فائنل کھیلنے والے ملک اسپین کی طاقت اس بار ان کی ڈیفنس تھی۔ فیفا عالمی کپ 2026 میں ان کے خلاف صرف ایک ہی گول ہوا۔ روڈری کاسکنٹے نے مڈ فیلڈ سے پورا کھیل چلایا۔ انہوں نے کوئی گول نہیں کیا اور نہ ہی کوئی اسسٹ کیا، لیکن سب سے مکمل پاس کئے۔ گولڈن بوٹ ایوارڈ اس کھلاڑی کو ملا ہے، جس نے اس فیفا عالمی کپ میں سب سے زیادہ گول کئے ہیں۔ یہ اعزاز فرانس کے ’کیلین ایمباپے‘ نے حاصل کیا، جنہوں نے اس فیفا عالمی کپ میں ریکارڈ 10 گول داغے۔ اس کے علاوہ انہیں ٹورنامنٹ کا تیسرا بہترین کھلاڑی بھی منتخب کیا گیا اور انہیں کانسے کا تمغہ دیا گیا۔
ارجنٹائن کے بہترین کھلاڑی لیونل میسی کا ایک بار اور گولڈن بوٹ جیتنے کا خواب شرمندۂ تعبیر نہیں ہو سکا۔  سیمی فائنل کے بعد تک وہ ٹاپ گول اسکورر تھے، لیکن تیسری پوزیشن کیلئے کھیلے گئے مقابلے میں ایمباپے 2 گول داغ کر ان سے آگے نکل گئے تھے۔ میسی آل ٹائم گول کرنے والے کھلاڑیوں کی فہرست میں دوسرے نمبر پر رہے، اور انہیں سلور بوٹ ایوارڈ ملا۔ اس کے علاوہ انہوں نے سلور بال ایوارڈ بھی جیتا، جوکہ ٹورنامنٹ کے دوسرے بہترین کھلاڑی کو دیا جاتا ہے۔
فیفا کی جانب سے دیئے جانیوالے ایوارڈ یافتگان کی فہرست کے مطابق  گولڈن بال کا ایوارڈ اسپین کے روڈری کاسکنٹے  کو ملا ،سلور بال ارجنٹائن کے لیونل میسی اور برونز بال فرانس کے  کیلین ایمباپے کے حصے میں آیا۔
گولڈن بوٹ کا ایوارڈ فرانس کے  کیلین ایمباپے  نے حاصل کیا جبکہ سلور بوٹ ارجنٹائن کےلیونل میسی اور برونز بوٹ کا ایوارڈ انگلینڈ کے جوڈ بیلنگھم کو ملا۔
گولڈن گلووز کا ایوارڈ اسپین کےانائی سائمن کے حصہ میں آیا ۔فیفا ینگ پلیئر ایوارڈ سےاسپین کے پاؤ کیوبرسی نوازا گیا۔اس کے علاوہ فیفا فیئر پلے ٹرافی  نیدر لینڈ کے حصہ میں آئی۔