( زین مدنی ) گلوکار علی ظفر اور اداکار ہمایوں سعید نے چیئرمین سی پیک اتھارٹی اور معاون خصوصی برائے اطلاعات ونشریات لیفٹیننٹ جنرل (ر) عاصم سلیم باجوہ کا فلم انڈسٹری کی بحالی کیلئے ضروری اقدامات کی اصولی منظوری پر شکریہ ادا کیا۔
سماجی رابطے کی ویب سائٹ ٹویٹر پر عاصم سلیم باجوہ نے وزیراعظم کی زیر صدارت فلم انڈسٹری کی بحالی سے متعلق اجلاس کی تفصیلات بتاتے ہوئے لکھا کہ فلم انڈسٹری کی بحالی کے لیے ضروری اقدامات کی اصولی منظوری دے دی گئی۔
وزیراعظم کے معاون خصوصی نے بتایا کہ ملکی کلچر اور سماجی اقدار کے فروغ سمیت پروڈکشن کا معیار بہتر بنایا جائے گا جبکہ متعلقہ وزارتوں کو ضروری اقدامات کی ہدایات کردی گئیں ہیں۔ پاکستان ترقی کی راہ پر گامزن ہے۔
Revival of Pakistan’s Film Industry:PM chaired mtng& approved in principle,measures to revive film Industry,promote our cultural/societal values, improve production qual&take entertainment to masses.Directed concerned ministries to prep implementation plan #PakistanMovingForward
— Asim Saleem Bajwa (@AsimSBajwa) September 18, 2020
اداکار ہمایوں سعید نے ان کے ٹویٹ پر ردعمل دیتے ہوئے عمران خان اور ان کی ٹیم کے اس اقدام کو خوش آئند قرار دیا۔ انہوں نے کہا کہ وہ پُرامید ہیں کہ ان اقدامات پر جلد عمل بھی کیا جائے گا۔ ہمایوں نے عاصم باجوہ کو ٹیگ کرتے ہوئے کہنا تھا کہ اس مقصد کے حصول کیلئے آپ کی مسلسل کاوشوں کا شکریہ، پاکستان فلم انڈسٹری نے اس لمحے کے لیے طویل انتظار کیا ہے۔ انہوں نے مزید کہا کہ وہ صنعت کی ترقی میں حصہ ڈالنے کے لیے پرجوش ہیں۔
Thank you @AsimSBajwa for your continued support as well for this cause. The Pakistan film industry has waited a long time for this moment. Thrilled, excited and absolutely ready to contribute to the industry's progress
— Humayun Saeed (@iamhumayunsaeed) September 18, 2020
گلوکار علی ظفر نے کہا کہ فلم انڈسٹری کی بہتری کیلئے اٹھائے گئے یہ اقدامات گیم چینجر ثابت ہوں گے۔ معروف اداکار راشد محمود، اداکار شان شاہد اور فلم ڈسٹری بیوٹرز ایسوسی ایشن کی جانب سے بھی فلم و سینما انڈسٹری کی بحالی کے اقدامات پر اطمینان کا اظہار کیا گیا۔
Thank you @AsimSBajwa for taking this up with such vigour. InshAllah, this will be a game changer for the Pakistan Film Industry. ???? ???????? https://t.co/27KPdxbLs9
— Ali Zafar (@AliZafarsays) September 18, 2020