(سٹی42) تعلیمی اداروں کھل چکے ہیں مگر کورونا وائرس کی لہر میں بھی اضافہ دیکھنے آیا جس پر وفاقی وزیر تعلیم شفقت محمود نے اہم ٹویٹ کرتے ہوئے کہا کہ تعلیمی ادارے بند کرنے سے متعلق جلد بازی کا کوئی بھی فیصلہ تعلیم کو تباہ کرے گا۔
تفصیلات کے مطابق کورونا وائرس نے پھر سر اٹھنا شروع کردیا،وبائی مرض کی لہر میں اضافے نے تعلیمی اداروں میں جانے والے طلبہ کے لئے پھرخطرے کی گھنٹی بجادی، فوری طور پر تعلیمی اداروں کو دوربارہ بند نہیں کیا جاسکتا کیونکہ اس کافیصلہ وفاق کے ہاتھ میں ہے، اس حوالے سے وفاقی وزیرتعلیم شفقت محمود نےمائیکرو بلاکنگ ویب سائٹ ٹویٹر پر ٹویٹ کرتے ہوئے اس بات کی وضاحت کی کہ سکول دوبارہ بندکرنےکاجلدبازی کافیصلہ تعلیم کے لئے تباہ کن ہوگا۔
اپنے ٹویٹ پیغام میں شفقت محمود نے کہا کہ طلبہ کی صحت ہماری پہلی ترجیح ہے،کسی بھی فیصلےسےپہلےوزارت صحت کا مشورہ لیں گے۔شفقت محمود نے مزید کہا کہ 6ماہ تعلیمی اداروں کی بندش نےطلبہ کوبری طرح متاثر کیا، تعلیمی ادارے کھولنےکافیصلہ بہت احتیاط سے کیا تھا۔
وفاقی وزیر کا مزید کہناتھا کہ ہمارے 90 فیصد سرکاری اور کم فیسوں والے نجی تعلیمی اداروں کے پاس آن لائن ٹیچنگ کی سہولیات نہیں ہیں اور جب ان اداروں کو بند کریں گے تو بیشتر طلبہ تعلیم سے محروم ہوجائیں گے۔ تعلیم کا ایک بڑا نقصان ہوا ہے جس کے ازالے میں سالوں لگ سکتے ہیں جب کہ صحت ایک ترجیح ہے اس لیے اس عنصر کو بھی ذہن میں رکھا جائے۔
90% of our govt and low fee paying private schools do not have online teaching facilities. When these institutions close down most students get no education at all. Learning loss is immense and can take years to recover. While health is a priority, this factor must b kept in mind https://t.co/nV1kP53YgC
— Shafqat Mahmood (@Shafqat_Mahmood) September 19, 2020
گزشتہ روز اپنے ایک ٹویٹ میں ان کا کہناتھا کہ سکولوں میں کلاسز شروع کرنے کے شیڈول میں کوئی تبدیلی نہیں ہوئی، دوسرے مرحلے میں کلاسز تئیس ستمبر سے ہی شروع ہوں گی۔بائیس ستمبر کو این سی اوسی کے اجلاس میں اس بارے میں حتمی فیصلہ کیا جائے گا۔دوسری جانب کورونا کیسز کی وجہ سے طلباء سمیت والدین شدید پریشانی کا شکار ہیں۔
واضح رہے کہ لاہور سمیت پنجاب بھر میں پہلے 3 روز میں 34 بچے کورونا وائرس کا شکار ہوگئے تھے،سکولوں میں کورونا کیسز سامنے آنے پر متعدد سکولوں کو بند کردیا گیا تھا۔