(ویب ڈیسک) شادیوں کے موقع پر مضحکہ خیزواقعات کی متعدد ویڈیوز سوشل میڈیا پر وائرل ہورہی ہیں، بھارت کے بعد پاکستان میں بھی شادیوں کی اکثرویڈیو اب سوشل میڈیا کے مختلف پلیٹ فارمز پر اپ لوڈ کی جارہی ہیں، پاکستانی دلہے کی ایک نئی ویڈیو سامنے آئی جس کو دیکھنے والےششدر رہ گئے۔
تفصیلات کےمطابق سوشل میڈیا پر وائرل ہونے والی اس ویڈیو سے اندازہ لگایا جارہا ہے کہ پاکستانی دلہے نے نیا ریکارڈ قائم کردیا، دولہے نے شادی پر نوٹوں کا سب سے بڑا ہار پہنا ہوا ہے، دولہے کی ویڈیو ’عالیہ فوٹوورکس‘ نامی انسٹاگرام اکاﺅنٹ پر پوسٹ کی گئی ہے، جس میں دولہا نے اتنا بڑا ہار پہن رکھا ہوتا ہے کہ اسے سنبھالنے اور اٹھا کر چلنے کے لیے دونوں طرف شہ بالے موجود ہوتے ہیں۔
وائرل ہونے والی اس ویڈیو میں دیکھاجاسکتا ہے کہ دولہے نے جو ہار پہنا ہے اس کی لمبائی، چورائی تقریباً 10 فٹ کے الگ بھگ ہے جس میں 10، 10 روپے والےہزاروں نوٹ لگے ہوئے ہیں۔
View this post on Instagram
شادیوں پر دولہا کو نوٹوں سے بنے ہار پہنانا ایک پرانی رسم ہے۔ دیگر خوشی کے مواقع پر بھی لوگوں کو نوٹوں کے ہار پہنانے کی روایت ہمارے ہاں پائی جاتی ہے۔