(سٹی 42 )پاکستان تحریک انصاف کے رکن قومی اسمبلی ڈاکٹر عامر لیاقت کی اہلیہ سیدہ طوبیٰ عامر نے کورونا کو شکست دیدی۔
سیدہ طوبیٰ عامر نے سماجی رابطے کی ویب سائٹ ٹوئٹ پر اپنے ٹوئٹ میں کہاہے کہ اللہ کے فضل سے میراکورونا ٹیسٹ نیگیٹو آگیا ہے ، ڈاکٹر عامر لیاقت کی طبیعت میں بھی بہتری آئی ہے،سیدہ طوبیٰ عامر کاکہناتھا کہ ڈاکٹر عامر لیاقت ابھی تک آئی سی یو میں ہیں لیکن وہ جلدی سے صحت یاب ہو رہے ہیں ،ان کاکہناتھا کہ میں ان کی صحتیابی کے ساتھ گھر آمد کیلئے دعا گو ہوں۔

Alhamdullilah. I have tested Negative for Covid. @AamirLiaquat blood tests has finally shown some progress after 4 days. He is still admitted in ICCU but now recovering rapidly from yesterday. Praying he comes back home healthy Aameen. pic.twitter.com/TuuIJxdYUb

— SYEDA TUBA AAMIR (@TubaAtweets) November 18, 2020

دوسری جانب ڈاکٹر عامر لیاقت نے بھی ویڈیو شیئر کردی گئی جس میں وہ کہہ رہے ہیں آپ کی دعائیں مجھے واپس لے آئی ہیں،لیکن کورونا کی وجہ سے اتنی کمزوری ہو گئی ہے کہ بات کرتے ہوئے ان کاسانس پھولا ہوا ہے ۔

بسم اللہ الرحمن الرحیم https://t.co/9eTXxr2s7S

آپ کی دعائیں مجھے واپس لے آئیں

میرے رب نے مجھ پر کرم فرمادیا

وہ حبیب ہی میرا طبیب تھا وہ حبیب ہی میرا طبیب ہے pic.twitter.com/JROQH5sQzs

— Aamir Liaquat Husain (@AamirLiaquat) November 18, 2020

واضح رہے کہ پی ٹی آئی کے ایم این اے ڈاکٹر عامر لیاقت اور ان کی اہلیہ کورونا کے شکار ہونے کے بعد گھر میں قرنطینہ کیاہواتھا،تاہم چند روز قبل ان کی طبیعت بگڑنے پر انہیں ہسپتال منتقل کردیاگیاتھا،چند روز قبل ڈاکٹر عامر لیاقت نے اپنے ٹوئٹ میں عوام سے دعاﺅں کی اپیل کی تھی۔