سٹی 42 : پاکستان میں عیدالاضحیٰ 7 جون کو ہونے کے امکانات سامنے آئے ہیں، ماہر فلکیات ڈاکٹر فہیم ہاشمی نے اس حوالے سے پیش گوئی کردی ۔ 

ماہر فلکیات ڈاکٹر فہیم ہاشمی کے مطابق سعودی عرب میں حج 5 جون ،عید 6 جون کو ہونے کا امکان ہے۔ سعودی عرب میں 27 مئی کو ٹیلی سکوپ سے چاند نظر آنے کے امکانات ہیں ۔ 

ڈاکٹر فہیم ہاشمی کا کہنا ہے کہ عیدالاضحی کا چاند ملک بھر میں 28 مئی کو نظر آنے کا واضح امکانات ہیں، البتہ 27 مئی کو پاکستان میں چاند نظر آنے کے امکانات نہیں ہیں۔

 ماہر فلکیات نے پیش گوئی کی ہے کہ 27 مئی کو غروب آفتاب کے وقت ملک بھر میں چاند کی عمر 11 گھنٹے ہوگی،نظر آنے کے امکانات نہیں۔ 28 مئی کو غروب آفتاب کے وقت چاند کی عمر 35 گھنٹے سے زائد ہوگئی ۔