سٹی ویب ڈیسک:رمضان المبارک کے مقدس مہینے کا آخری عشرہ شروع ہونے میں چند روز باقی ہیں، عاشقان رسول آقائے دوجہاں کی سنت نبوی ﷺ پر عمل پیرا ہونے کے لئے اعتکاف پر بیٹھنے کی تیاری کررہے ہیں، ایک اہم سوال سامنےآیا جس میں پوچھا گیا کہ کیا اعتکاف میں سگریٹ نوشی کرنا کیسا ہے ؟

یاد رہے کہ معتکف کو مسجد میں سگریٹ، بیڑی وحقہ پینا جائز نہیں ہے، رسول اللہ ﷺ نے تو کچی پیاز، لہسن یا کوئی بدبو دار چیز کھاکر مسجد میں آنے سے منع فرمایا ہے:

ترجمہ: 

’’ حضرت ابن عمر رضی اللہ عنہما بیان کرتے ہیں کہ رسول اللہ ﷺ نے فرمایا: جو شخص اس ترکاری یعنی لہسن کو کھائے، وہ اس وقت تک ہماری مسجد کے قریب نہ آئے، جب تک اُس کے منہ سے بدبو نہ چلی جائے (صحیح مسلم :1136)‘‘۔