افشاں رضوان: شہر میں فٹ بال کا جوش و خروش عروج پر ہے اور شائقین بڑے عالمی مقابلوں کے لیے بے حد پرجوش دکھائی دے رہے ہیں۔ کرکٹ سے گہری دلچسپی رکھنے والے افراد بھی فٹ بال کے رنگ میں رنگ گئے ہیں اور اہم میچز دیکھنے کے لیے مختلف منصوبے بنا رہے ہیں۔

شہریوں کا کہنا ہے کہ وہ اپنے دوستوں اور اہل خانہ کے ساتھ مل کر میچز دیکھنے کے لیے بے تاب ہیں، جبکہ مختلف مقامات پر اس حوالے سے خصوصی انتظامات بھی کیے جا رہے ہیں۔

کئی فٹ بال شائقین نے اسپین کی ٹیم پر بھرپور اعتماد کا اظہار کرتے ہوئے پیشگوئی کی کہ اس بار ٹرافی اسپین اپنے نام کرے گا۔ ان کا کہنا تھا کہ اسپین کی مضبوط ٹیم، متوازن کارکردگی اور بہترین کھیل اسے ٹائٹل کا مضبوط امیدوار بناتے ہیں۔

دوسری جانب شہریوں کا کہنا ہے کہ وہ دوستوں کے ساتھ مل کر میچز دیکھنے اور اس عالمی ایونٹ کے سنسنی خیز مقابلوں سے لطف اندوز ہونے کے لیے پُرجوش ہیں، جبکہ شہر میں فٹ بال کا بخار دن بدن بڑھتا جا رہا ہے۔