سٹی 42 : وزیراعظم شہباز شریف نے کہا ہے کہ فلسطین میں امن کیلئے دو ریاستی حل ناگزیر ہے ،فلسطینی عوام کو اپنی سرزمین کا پورا حق حاصل ہے۔

 وزیراعظم شہباز شریف نے غزہ امن بورڈ سے خطاب کرتے ہوئے کہاکہ مشرق وسطیٰ میں امن کیلئے آج کا دن سنہری باب ہے،فلسطینی عوام اسرائیل کے قبضے برداشت کررہے ہیں۔ انہوں نے کہا کہ غزہ میں سیز فائر کی خلاف ورزیاں فوری ختم ہونی چاہئیں۔

وزیراعظم نے کہا کہ غزہ میں پائیدار امن پاکستان کا مشن ہے ۔ وزیراعظم شہباز شریف نے تنازعات کے حل کیلئے صدر ٹرمپ کے کردار کی تعریف کرتے ہوئے کہاکہ صدر ٹرمپ کی مداخلت کے باعث پاک بھارت جنگ بندی ہوئی ،اس جنگ بندی سے ہزاروں جانیں بچیں ،امریکی صدر جنوبی ایشیا کو بچانے والی شخصیت ہیں ۔

وزیراعظم شہبازشریف نے کہاکہ دعا ہے امن کیلئے ٹرمپ کی کوششیں کامیاب ہوں ،تنازعات کے حل کیلئے صدر ٹرمپ کا کردار لائق تحسین ہے،ٹرمپ کی سفارتکاری کئی تنازعات کے حل کا باعث بنی ۔