سٹی42: ماہ صیام کے دوران ٹریفک کی مؤثر روانی کو یقینی بنانے کے لیے لاہور ٹریفک پولیس نے جامع ٹریفک پلان تشکیل دے دیا۔

سی ٹی او لاہور ڈاکٹر اطہر وحید کے مطابق ٹریفک پولیس 24 گھنٹے ڈیوٹی سرانجام دے گی جبکہ سیکنڈ شفٹ میں اضافی نفری تعینات کی جائے گی۔ نائٹ شفٹ کے دوران تمام 45 ٹریفک سیکٹرز کی گاڑیاں پٹرولنگ پر مامور ہوں گی۔

انہوں نے بتایا کہ ڈویژنل اور سرکل افسران مکمل سپرویژن کریں گے اور رمضان المبارک میں 2 ہزار سے زائد افسران اور وارڈنز فرائض انجام دیں گے۔

سی ٹی او نے ہدایت کی کہ رمضان بازاروں اور مارکیٹوں میں پارکنگ انتظامات کا خاص خیال رکھا جائے تاکہ شہریوں کو مشکلات کا سامنا نہ ہو۔ مزید برآں ٹریفک وارڈنز کو ان کے ڈیوٹی پوائنٹس پر افطاری بھی فراہم کی جائے گی۔