اسرار خان: شہر لاہور میں ٹریفک حادثات کا سلسلہ تھم نہ سکا، گزشتہ 24 گھنٹوں کے دوران 246 ٹریفک حادثات رپورٹ ہوئےہیں۔
ریسکیو حکام کے مطابق شہر لاہور میں گزشتہ 24 گھنٹوں کے دوران مختلف علاقوں میں 246 ٹریفک حادثات رپورٹ ہوئے جس کے نتیجے میں مجموعی طور پر 260 افراد زخمی ہوئے جبکہ 84 شدید زخمیوں کو مقامی ہسپتالوں میں منتقل کیا گیا اور 176 معمولی زخمیوں کو موقع پر ریسکیو حکام کی جانب سے فرسٹ ایڈ فراہم کی گئی۔
ریسکیو حکام کا مزید کہنا تھا کہ حادثات تیز رفتاری اور ٹریفک قوانین کی خلاف ورزی کے باعث پیش آئے ہیں۔