سٹی 42 : پنجاب کاؤنٹر نارکوٹکس فورس نے بڑی کارروائی کرتے ہوئے بدنام زمانہ منشیات اسمگلر حبیب گل گرفتار کرلیا ۔
ترجمان کے مطابق (ڈی جی خان) کوہِ سلیمان کے علاقے سے 15 ملین روپے مالیت کی 60 کلوگرام چرس برآمد کرلی گئی، ملزم حبیب گل کو سخی سرور کے مقام پر گرفتار کیا گیا، گرفتار ملزم فورٹ منرو سے پنجاب منشیات سپلائی کرنے جا رہا تھا۔
سی این ایف کے ترجمان کے مطابق ملزم پنجاب میں منشیات پھیلانے کے لیے یہی روٹ استعمال کرتا تھا، حبیب گل منشیات فروشی، اسمگلنگ اور اغوا برائے تاوان سمیت متعدد مقدمات میں مطلوب تھا۔
ڈی جی سی این ایف کا کہنا ہےکہ پنجاب کاؤنٹر نارکوٹکس فورس نے اگست 2025 سے اب تک 22.1 ٹن منشیات برآمد کی، برآمد کی گئی منشیات کی مالیت 2.4 بلین روپے سے زائد بتائی گئی۔