ویب ڈیسک : نیب لاہور کے انٹیلی جنس ونگ نے اہم کارروائی کرتے ہوئے خود کو چیئرمین نیب بتانے والے جعلساز اور اس کے بھائی کو گرفتار کرلیا۔
ترجمان نیب کے مطابق ملزمان شہریوں کو نیب کے سینئر افسر بن کر بلیک میل کرتے تھے، ملزمان کےخلاف شکایات آنے پرانٹیلی جنس ونگ نےکارروائی کی۔ترجمان نے بتایا کہ ملزمان سگے بھائی ہیں اور دونوں منصوبہ بندی سےٹارگٹ کو ڈرا کرپیسے بٹورتے تھے۔
ملزمان کو مزید تحقیقات کے لیے تھانہ چوہنگ پولیس کی تحویل میں دے دیا گیا ہے۔