سٹی 42 : لیسکو کی جانب سے کاہنہ کے علاقے میں بجلی چوری کیخلاف آپریشن کیا گیا، جس کے دوران پلاسٹک فیکٹری میں لاکھوں روپے کی بجلی چوری پکڑی گئی۔ 

ایکسیئن کوٹ لکھپت امجد حسین ناگرہ کے مطابق بجلی چوری کرنے پر 2افراد کو پولیس نے گرفتار کر لیا۔ انہوں نے بتایا کہ پلاسٹک فیکٹری کے میٹر کو ٹمپر کیا گیا تھا،ٹمپرنگ کے بعد میٹر کو دانستہ طور پر جلایا گیا۔ 

 ایس ڈی او حمزہ ٹاؤن ندیم اختر کا کہنا ہے کہ لیبارٹری رپورٹ میں میٹر ٹمپر ، جلانے کی نشاندہی کی گئی، لیبارٹری رپورٹ ملنے پر کنکشن منقطع کر کے ٹرانسفارمر اتار لیا گیا۔ انہوں نے کہا کہ بجلی چوری کرنے پر ڈی ٹیکشن بل چارج کیا جائے گا ۔