سٹی 42 : ایف آئی اے گوجرانوالہ زون کی جانب سے  بجلی چور مافیا  کے خلاف کریک ڈاؤن جاری ہے۔ 

ترجمان ایف آئی اے کے مطابق بجلی چوری میں ملوث گیپکو کے لائن سپرنٹنڈنٹ مسعود علی کو سیالکوٹ سے گرفتار کر لیا گیا، گرفتار ملزم نے بھاری رشوت کے عوض نجی ہاؤسنگ سوسائٹی کو بجلی کا زرعی کنکشن جاری کیا ہوا تھا۔ ترجمان نے بتایا کہ گرفتار لائن سپرنٹندنٹ نے درخواست گزار کے گھر کے اوپر سے 11 کے وی کی غیر قانونی لائن گزار رکھی تھی جس کے نتیجے میں معصوم بچہ اپنے دونوں ہاتھوں سے محروم ہو گیا۔

ترجمان ایف آئی اے کا کہنا ہے کہ ملزم کو گرفتار کر کے تفتیش کا آغاز کر دیا گیا۔