سٹی42: ماہ رمضان کے دوران سحری اور افطار کے اوقات میں لیسکو نے بجلی کی بلا تعطل فراہمی کے انتظامات کو حتمی شکل دے دی ہے۔
چیف ایگزیکٹو آفیسر محمد رمضان بٹ نے افسران کو ہدایت کی ہے کہ سحری و افطار میں 100 فیصد بجلی فراہمی یقینی بنائی جائے۔ تمام چیف انجینئرز، آپریشنل اسٹاف اور فیلڈ ٹیمیں فرائض انجام دیں گی تاکہ کسی قسم کی بجلی کی بندش نہ ہو۔
لیسکو کے مطابق مرکزی کنٹرول روم 24 گھنٹے فعال رہے گا اور رمضان کے دوران بجلی کی سپلائی کے حوالے سے نگرانی میں اضافہ کیا جائے گا۔ اجلاس میں جی ایم ٹیکنیکل رائے محمد اصغر سمیت دیگر اعلیٰ افسران نے بھی شرکت کی۔