(مانیٹرنگ ڈیسک) انگلینڈ کے خلاف کراچی میں کھیلے جا رہے تیسرے ٹیسٹ میچ میں پاکستانی اسپنرز ابرار احمد اور نعمان علی نے نئی تاریخ رقم کر دی۔
تین ٹیسٹ میچز کی سیریز کے آخری ٹیسٹ میں پاکستان ٹیم نے ٹیسٹ میچ کی تاریخ میں پہلی مرتبہ پہلے دو اوورز اسپنرز سے کروائے، کھیل کے پہلے روز انگلینڈ کے خلاف پہلا اوور پاکستانی اسپنر ابرار احمد جبکہ دوسرا اوور اسپنر نعمان علی سے کروایا گیا۔ملتان ٹیسٹ کے بعد کراچی میں بھی ابرار کی پہلے اوور میں پہلی وکٹ لینے کا تسلسل برقرار
دوسری جانب ابرار احمد نے کراچی ٹیسٹ میں بھی پچھلے ٹیسٹ میچز کی طرح اپنی روایت قائم رکھی اور اپنے پہلے ہی اوور میں زیک کرولی کو صفر پر آؤٹ کیا۔
First time in Pakistan’s Test history, they have bowled their first two overs in a match with spinners - Abrar Ahmed and Nauman Ali. #PakvEng
— Mazher Arshad (@MazherArshad) December 17, 2022
پاکستان کے نوجوان اسپنر نے ملتان ٹیسٹ کی پہلی اننگز میں اپنے پہلے اوور میں زیک کراؤلی جبکہ دوسری اننگز کے پہلے اوور میں ول جیکس کو آؤٹ کیا تھا جس کے بعد کراچی ٹیسٹ میں بھی اسی روایت کو قائم رکھتے ہوئے ابرار نے زیک کراؤلی کو آؤٹ کیا۔
یاد رہے کہ گزشتہ روز پاکستان کی پوری ٹیم پہلی اننگز میں 304 رنز بنا کر آؤٹ ہو گئی تھی، پاکستان کی جانب سے کپتان بابر اعظم 78 اور آغا سلمان 56 رنز بنا کر نمایاں رہے تھے۔
انگلش بولرز کی جانب سے جیک لیچ نے 4، ریحان احمد نے 2 جبکہ اولی رابنسن، مارک ووڈ اور جو روٹ نے ایک ایک کھلاڑی کو آؤٹ کیا تھا۔