ویب ڈیسک: چیئرمین پی ٹی آئی عمران خان نے اپنے چیف آف اسٹاف شہباز گل کی اسپتال منتقلی کی ویڈیو پر رد عمل کا اظہار کیا ہے۔
عمران خان نے ٹوئٹر پر شہباز گل کو پمز اسپتال لے جاتے وقت کی ویڈیو شیئر کی اور ٹوئٹ میں ملک کو ’بنانا ری پبلک‘ کہا ۔چیئرمین پی ٹی آئی نے لکھا کہ ’ بنانا ری پبلک میں ڈھلنے کے مناظر، ہماری بربریت دیکھ کر مہذب دنیا پر سکتہ طاری ہوگا‘ ۔
عمران خان نے مزید کہا کہ بدترین پہلو تو یہ ہے کہ منصفانہ عدالتی کارروائی کے بغیر جبر و تشدد سے مثال بنانے کے لیے ایک آسان ترین ہدف چُنا گیا ہے۔
انہوں نے مزید کہا کہ’ نوازشریف، مریم، مولانا فضل الرحمٰان اور آصف زرداری جیسے وہ تمام کردار جو ریاستی اداروں کے خلاف بغض و عناد سے بھرپور بیانات کے ذریعے انہیں ہرممکن حد تک بدترین انداز میں بار بار نشانہ بناتے رہے ہیں، بلاخوفِ ملامت آزاد گھوم رہے ہیں‘ ۔
معیار سےمسلسل گرتے ہوئے ایک بنانا ریپبلک میں ڈھلنے کےمناظر! ہماری بربریت دیکھ کر مہذب دنیا پر سکتہ طاری ہوگا۔ بدترین پہلو تو یہ ہے کہ منصفانہ عدالتی کارروائی کے بغیر جبر و تشدد سے مثال بنانے کیلئے ایک آسان ترین ہدف چُنا گیا ہے۔ pic.twitter.com/JvNR9P4m1I
— Imran Khan (@ImranKhanPTI) August 17, 2022