(ویب ڈیسک)امریکی فوج کے انخلاء کے بعد افغانستان میں مکمل کنٹرول طالبان کے ہاتھ ہے، امریکہ فوج کو ہتھیار کیوں ڈالنے پڑے اس بارے  پاکستان کےسابق ڈی جی آئی ایس آئی جنرل حمید گل کی  گئی پیش گوئی سچ ثابت ہوگئی جبکہ ان کی ایک پرانی ویڈیو بھی وائرل ہورہی ہے۔

تفصیلات کے مطابق امریکہ کیخلاف کامیابی کے بعدسوشل میڈیا پر کوئی طالبان کی تعریفیں کرتا نظر آتا ہے تو کوئی امریکہ کو افغانستان کی مزید بگڑتی ہوئی صورت حال کے لیے مورد الزام ٹھہرا رہا ہے،  پاکستان کےسابق ڈی جی آئی ایس آئی جنرل حمید گل نے اس حوالے سے اہم پیش گوئی کی تھی جو کہ سچ ثابت ہوگئی،ٹوئٹر پر صارفین طالبان کے افغانستان پر قبضے کو لیفٹیننٹ جنرل ریٹائرڈ حمید گل کی فتح قرار دیتے ہوئے نظر آرہے ہیں۔
خرم نواز گنڈاپور نے  لیفٹیننٹ جنرل ریٹائرڈ حمید گل کی تعریف کرتے ہوئے ٹویٹ کیا، ان کا کہناتھا کہ ’لیفٹیننٹ جنرل ریٹائرڈ حمید گل اگر آج زندہ ہوتے تو بہت فخر محسوس کر رہے ہوتے، انہوں نے 15 سال قبل امریکہ اور نیٹو کی مکمل شکست کی پیش گوئی کردی تھی۔‘حمید گل کو افغان قوم پر پختہ یقین تھا۔

Gen Hameed Gul would have been very proud if he was alive today. He had predicted the complete defeat of the US & NATO Forces 15 years ago. He was a Visionary whose faith in the Afghan Nation was ABSOLUTE. May Allah ALMIGHTY bless him & grant Pakistan Visionaries like him. pic.twitter.com/JkdLR0OMGj

— Khurram Nawaz Gandapur (@GandapurPAT) August 15, 2021

علاوہ ازیں لیفٹیننٹ جنرل ریٹائرڈ حمید گل کے صاحبزادے عبداللہ گل نے نجی ٹی وی چینل دنیا نیوز کو سنہ 2014 میں دیے گئے ایک انٹرویو کی پرانی ویڈیو بھی شیئر کی،ویڈیو میں حمید گل یہ کہتے ہوئے نظر آئے کہ ’کہنا چاہتا ہوں ریکارڈ کے لیے، شاید کل کو کوئی نہ کہے یہ بات جیسے آئی ایس آئی کو آج مورد الزام ٹھہرایا جارہا ہے، جب تاریخ رقم ہوگی تو کہیں گے کہ آئی ایس آئی نے امریکہ کی مدد سے سوویت یونین کو افغانستان میں شکست دے دی، پھر ایک اور جملہ ہوگا آئی ایس آئی نے امریکہ کی مدد سے امریکہ کو شکست دے دی۔‘

جنرل حمید گل رح نے مذاق رات پروگرام 2014 میں تاریخ ساز جملہ کہا
کہ ہوسکتا ہے کل کو کوئی اور نہ کہے:
مورخ لکھے گا کہ امریکا کی مدد سے ISI نے افغانستان میں سوویت یونین کو شکست دی
پھر
ایک اور جملہ ہوگا امریکا کی مدد سے ISI نے امریکا کو شکست دیدی
نظریہ حمید گل زندہ ہے#GenHamidGul pic.twitter.com/iGQTNzdPZI

— Abdullah Gul (@MAbdullahGul) August 16, 2021