سٹی 42 : ہالی وڈ سپر اسٹار اور سابق گورنر کیلی فورنیا آرنلڈ شوار زینیگر نے وزیراعظم عمران خان سے ماحولیاتی تغیر پزیری پر معاونت کی اپیل کی ہے۔
وزیراعظم عمران خان ماحولیاتی تبدیلی پر بہت زیادہ زور دیتے ہیں اور اس حوالے سے پاکستان تحریک انصاف کی حکومت کے بلین ٹری سونامی منصوبے کو بین الاقوامی سطح پر سراہا بھی گیا ہے۔اب پاکستان تحریک انصاف کے سینیٹر فیصل جاوید نے سوشل میڈیا بیان میں کہا ہے کہ آرنلڈ شوار زنیگر نے ماحولیاتی تغیر پزیری پر وزیراعظم عمران خان سے معاونت کی اپیل کی ہے۔
On the invitation of Arnold @Schwarzenegger, Prime Minister Imran Khan ll make a statement via video as Climate action heroes ll once again gather in Vienna Austria today for the 4th annual Austrian World Summit The Schwarzenegger Climate Initiative#PakistanFightingClimateChange pic.twitter.com/2S9wthspNQ
— Faisal Javed Khan (@FaisalJavedKhan) September 17, 2020
فیصل جاوید نے بتایا کہ آرنلڈ شوار زینیگر کی اپیل پر وزیراعظم عمران خان آج ویڈیو بیان جاری کریں گے۔کلائمٹ ایکشن ہیروز آج ورلڈ سمٹ کے سلسلےمیں آسٹریا میں اکٹھے ہوں گے۔ وزیراعظم ماحولیاتی تغیر، حیاتیاتی ماحول کے بچاؤ، سبز نوکریوں کی فراہمی اور غربت کے خاتمے سے متعلق اپنے ویژن پر روشنی ڈالیں گے۔
فیصل جاوید نے بتایا کہ آرنلڈ شوار زینیگر آلودگی اور ماحولیاتی تغیر پزیری کے خلاف تقریباً 2 عشروں سے برسرِ پیکار ہیں۔پی ٹی آئی سینیٹر نے بتایا کہ آرنلڈ ماحولیاتی تغیر کے خلاف وزیراعظم عمران خان کے اقدامات اور عزم کے معترف ہیں۔ ہالی وڈ سپر اسٹار وزیراعظم عمران خان کو کلائمٹ ایکشن ہیرو اور کلائمٹ ایکشن الائنس کا اہم حصہ سمجھتے ہیں۔
یاد رہے وزیر اعظم عمران خان نے ایک انٹرویو میں کہا تھا کہ اقوام متحدہ کے اجلاس میں کشمیر اور ماحولیاتی تبدیلی پر آواز اٹھائوں گا،ان کا کہنا تھا کہ ماحولیاتی تبدیلی اس وقت دنیا کا سب سے بڑا چیلنج ہے۔