ویب ڈیسک: امریکی صدر جوبائیڈن نے کالج کے دورے پر سیلفی لیتی نوجوان طالبہ کا کاندھا پکڑ کر ڈیٹنگ کے حوالے سے ایک مفید مشورہ دے ڈالا جس کی ویڈیو سوشل میڈیا پر وائرل ہوگئی۔
سوشل میڈیا پر وائرل ہونی والی دلچسپ ویڈیو میں دیکھا جا سکتا ہے کہ امریکی صدر ایک نوجوان طالبہ کا کاندھا پکڑ کر اپنی طرف متوجہ کرتے ہیں اور کہتے ہیں کہ جب تک تم 30 سال کی نہیں ہوجاتیں کوئی بھی سنجیدہ نہیں۔نوجوان طالبہ امریکی صدر کے اس غیر متوقع اور بن مانگے ’’مشورے‘‘ پر پہلے تو حیران رہ گئی اور پھر قدرے مسکراتے ہوئے کہا کہ ٹھیک ہے میں یہ بات ذہن میں رکھوں گی۔
ایک اور ویڈیو میں دیکھا جا سکتا ہے کہ طالبہ کے سامنے کھڑے جوبائیڈن نے کہا کہ اب، ایک بہت اہم بات میں نے اپنی بیٹیوں اور پوتیوں کو بتائی تھی اور وہ یہ کہ جب تک آپ 30 سال کے نہ ہوں آپ سے شادی کے لیے کوئی سنجیدہ نہیں ہوتا۔
President Joe Biden grabs a young girl by the shoulder and tells her “no serious guys till your 30” as she looks back appearing uncomfortable, secret service appears to try to stop me from filming it after Biden spoke @ Irvine Valley Community College | @TPUSA @FrontlinesShow pic.twitter.com/BemRybWdBI
— Kalen D’Almeida (@fromkalen) October 15, 2022
سوشل میڈیا پر صارفین نے صدر جوبائیڈن کا نوجوان طالبہ کا کندھا پکڑنے اور پھر عجیب و غریب مشورہ دینے پر کڑی تنقید کی۔ کچھ نے لکھا کہ طالبہ کافی غیرمطمئن، بے چین اور مشکل میں نظر آرہی ہیں۔تاہم کچھ صارفین نے امریکی صدر کی حمایت کرتے ہوئے لکھا کہ لڑکی بے چین یا تناؤ میں نہیں اور امریکی صدر نے جو بات کی وہ ہر باپ اپنی بیٹی سے کرتا ہے۔