فاران یامین:اجتماع چوک کے قریب بس اور ٹرک کے درمیان خوفناک تصادم کے نتیجے میں 4 افراد زخمی ہوگئے۔
ریسکیو حکام کے مطابق حادثہ رائیونڈ کے علاقے اجتماع چوک پر پیش آیا، جہاں بس اور ٹرک آپس میں ٹکرا گئے۔ تصادم کے بعد ٹرک بے قابو ہو کر روہی نالے میں جاگرا۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو ابتدائی طبی امداد فراہم کی۔ بعد ازاں تمام زخمیوں کو مزید علاج کے لیے ہسپتال منتقل کر دیا گیا۔