سٹی 42: بھکر  میں سیلابی صورتحال کے پیش نظر ہائی الرٹ جاری کردیا گیا 

اس وقت دریائے سندھ میں 4 لاکھ کیوسک کا ریلا گزر رہا ہے،  دریائے سندھ میں پانی کی سطح بڑھنے پر نشیبی علاقوں سے عوام اور مال مویشیوں کے انخلاء کی ہدایت  کردی گئی ،  ڈپٹی کمشنر محمد اشرف  نے کہا ہے ندی نالوں، دریاؤں، نہروں میں نہانے پر پابندی، دفعہ 144 نافذ العمل ہے، تیراکی سمیت دریائی پتنوں پر کشتی رانی پر پابندی عائد  کی گئی 

ڈپٹی کمشنر محمد اشرف  بھکر  نے کہا خلاف ورزی کرنے والوں کے خلاف فوری کارروائی عمل میں لائی جائے گی ،سیلابی صورتحال سے نمٹنے کے لیے ریسکیو 1122 سمیت متعلقہ اداروں کو ہائی الرٹ کر دیا ہے، نشیبی علاقوں کے عوام کو محفوظ مقامات پر منتقلی کے لئے مساجد میں اعلانات کروائے جا رہے ہیں، فلڈ ریلیف کیمپوں میں ویکسین، ادویات، جانوروں کے لیے چارہ اور دیگر ضروری سامان کی فراہمی یقینی بنائی جائے عوام الناس کے جان و مال کے تحفظ کے لیے ضلعی انتظامیہ متحرک ہے